Majira ya Ukumbusho—Fursa ya Kuongeza Utendaji!

1. Tuna sababu gani za kujitahidi kuongeza utendaji wetu katika mwezi wa Machi, Aprili, na Mei?

¹ Je, unaweza kuongeza utendaji wako katika huduma wakati wa majira yajayo ya Ukumbusho? Sehemu nyingi zitakuwa na hali nzuri ya hewa. Wahubiri fulani watakuwa na likizo ya kazini au shuleni wanayoweza kutumia katika huduma. Kuanzia Aprili 2, tutafurahia kampeni ya pekee ya kuwaalika wanaopendezwa wahudhurie Ukumbusho pamoja nasi mnamo Aprili 17. Baadaye, tutajitahidi kuendeleza upendezi wa wale waliohudhuria na kuwaalika kwenye hotuba ya pekee itakayotolewa juma linaloanza Aprili 25. Kwa kweli, kuna sababu nyingi za kutaka kuongeza utendaji wetu katika mwezi wa Machi, Aprili, na Mei.

2. Taja njia moja bora ya kuongeza utendaji wetu katika huduma.

² Upainia Msaidizi: Njia moja bora ya kuongeza utendaji ni kufanya upainia msaidizi. Kwa kuwa sote tuna shughuli nyingi, tunahitaji kupanga mambo mapema na kufanya marekebisho katika ratiba zetu. (Met. 21:5) Labda unaweza kuahirisha mambo fulani yasiyo ya lazima katika shughuli zako za kawaida. (Flp. 1:9-11) Kwa nini usiwaeleze wengine kutanikoni kuhusu tamaa yako ya kufanya upainia uone ikiwa wanaweza kujiunga nawe?

3. Familia zinaweza kupangaje kuongeza utendaji wao?

³ Katika jioni inayofuata ya Ibada ya Familia, itakuwa vizuri mzungumzie miradi yenu mkiwa familia. (Met. 15:22) Mkishirikiana vizuri, huenda washiriki fulani wa familia wakaweza kufanya upainia msaidizi kwa mwezi mmoja au zaidi. Namna gani mkiona kwamba hilo haliwezekani? Bado familia inaweza kupanga kuongeza utendaji wao kwa kushiriki katika huduma jioni fulani-fulani au kuhubiri kwa muda mrefu zaidi wakati wa miisho-juma.

4. Tutapata baraka gani kwa kuongeza utendaji wetu katika huduma wakati wa majira haya ya Ukumbusho?

⁴ Yehova huona yote tunayofanya ili tumtumikie, naye huthamini jitihada zetu. (Ebr. 6:10) Tunapata shangwe tunapotoa kwa Yehova na kwa wengine. (1 Nya. 29:9; Mdo. 20:35) Je, unaweza kuongeza utendaji wako wakati wa majira haya ya Ukumbusho na uvune shangwe na baraka tele zinazotokana na kufanya hivyo?