Toa Magazeti Kwenye Kila Fursa

¹ Kwa zaidi ya miaka 100, Mnara wa Mlinzi limekuwa likitetea kusudi la ukweli wa Ufalme. Kwa ustadi linatumia Neno la Mungu kuwa upanga katika kukata makosa na kufichua mafundisho bandia ya kidini. Gazeti jenzile Amkeni! pia linatetea kusudi la ukweli. Kwa watu wenye mbetuko wa uadilifu, linaweza kuamsha kupendezwa kwao katika habari za Kimaandiko zenye kina kirefu zinazopatikana kwenye vichapo vinginevyo vya Sosaiti. Tunaweza kufanyaje ili tuyafikishe magazeti haya mikononi mwa watu zaidi?

² Hatua ya kwanza ni kuyajua yaliyomo kwenye magazeti. Maana yake ni kuyasoma mara tu yakipokewa halafu kuzungumza pamoja na wengine kundini juu ya makala hizo. Hiyo itatusaidia tuwatolee wengine magazeti hayo kwa bidii na kudumisha mwelekeo chanya kuhusu thamani yayo.

³ Hatua inayofuata ni kuweka wakati kando kila juma wa kuwatolea wengine magazeti hayo. Fanya hilo liwe sehemu ya kawaida ya ratiba yako ya utendaji. Je! wewe uko chonjo kuelekea fursa nyinginezo za kuangusha magazeti?

SEMA NA WATU

⁴ Unapokuwa kwenye kazi ya magazeti ya mlango kwa mlango, huenda ukakuta kwamba watu wengi hawako nyumbani. Lakini unaweza kuongea na watu mahali uwakutapo. Wafikie watu wanapotembea barabarani. Ongea na wale wanaoketi kwenye motokaa, wanaofanya kazi uani, wanaongojea usafirisho wa umma, na kadhalika. Rejeza kwenye makala hususa na jambo la kupendeza. Tumia picha bora sana na vielelezo ili uamshe kupendezwa kwao. Ongea na watu kwa njia ya uchangamfu, ya kirafiki, iliyo chanya, na kwa weupe wa moyo tokeza mambo fulani hususa uliyopata kwa kusoma magazeti hayo.

FURSA NYINGINEZO

⁵ Madokezo hayo yaweza kuwa msaada pia katika kufanyia kazi eneo la kibiashara. Tumia kwa faida fursa wakati wafanyi biashara hawashughuliki na wateja. Wahubiri wengi huona rahisi kuangusha magazeti katika eneo la kibiashara zaidi ya kazi ya kawaida ya mlango kwa mlango.

⁶ Je! wewe umekwisha kujaribu kusitawisha kawaida ya kupelekea mtu magazeti? Uangushapo magazeti kwenye nyumba au kwenye sehemu za biashara, acha wajue kwamba ungefurahi kurudi baada ya majuma mawili ukiwa na matoleo yafuatayo. Huenda ukaghafilika kukuta ni watu wengi wangependezwa na mpango huo wa kuletewa na mtu binafsi. Pia, kumbuka kwamba kila wakati urudipo na kuongea na mtu huyo au kuangusha fasihi kwa mtu huyo, unaweza kuripoti ziara moja ya kurudia.

⁷ Huenda ukaona fursa nyinginezo za kutoa mgazeti, kama vile kutoa ushahidi wa jioni, kuongea na watu wa ukoo, kufanya ziara za kurudia, au unaposafiri au kwenda dukani. Kutenda kulingana na madokezo hayo yote kwaweza kuwa ndiyo njia ya kuwasaidia wengi wawe wasomaji wa kawaida wa vichapo vyetu vya Biblia na hatimaye kuwa wasifaji wa Yehova.