Magazeti Maarufu Yatokezwa
1 Matoleo ya Aprili na Mei ya Mnara wa Mlinzi na Amkeni! yatatokeza makala za kuvutia wote wanaotafuta wakati ujao wenye furaha. Kwa kielelezo, “Ni Nani Atakayeongoza Aina-Binadamu Kwenye Amani?” na “Amani ya Ulimwengu—Itamaanisha Nini Hasa?” ndizo habari za matoleo ya Aprili 1 na Aprili 15 ya Mnara wa Mlinzi. Watu wachache wanajua majibu sahihi kwa maswali hayo. Lakini Yehova hakutuacha na shaka. (Amosi 3:7) Hakika, mamilioni ya watu wenye moyo mnyofu wangependa pia kupata jibu lenye ukweli.
2 Matoleo ya Amkeni! (Kiingereza) ya Aprili na Mei yatatia ndani habari hizi “Kuna Mataraja Gani ya Uhai Mrefu Zaidi?,” “Dunia Safi—Je! Utaishi Uione?,” na “Ulimwengu Usio na Bunduki—Je! Wawezekana?” Je! wewe unakubali kwamba watu katika eneo lenu wapaswa kupata fursa ya kusoma matoleo hayo?
USHIRIKI ULIOONGEZWA
3 Tunapaswa kupanga sasa kushiriki kikamili katika ugawanyaji wa matoleo hayo na mengine yaliyo maarufu katika Aprili na Mei. Kwa nini usifanye mipango ya kutumia kiasi kikubwa zaidi cha wakati kuliko ilivyo kawaida ili kugawanya magazeti? Habari hizo za wakati unaofaa zikiwa zimezungumzwa, tunaweza kutoa magazeti tukiwa na uhakika na shauku.
4 Ni nini kitakachotusaidia tuongeze maangusho yetu ya magazeti? Kwanza, tunapaswa kusoma magazeti kabisa kabisa. Kadiri tunavyoyazoelea magazeti, ndivyo bidii yetu itakavyokuwa kubwa katika kuyatoa. Tunaposoma, twapaswa kujaribu kutafuta mambo ya kukazia katika makala mbalimbali. Kuna nini katika kila makala ambacho chaweza kuvutia watu wa aina fulani? Tunaweza kujiuliza: ‘Ni nani angethamini hasa makala hizi? Ni nini kingemvutia jirani, rafiki, mfanya biashara, mwanafunzi, na kadhalika?’ Ili tuwe wenye matokeo kikweli, twapaswa kuweza kutoa pendekezo la kibinafsi juu ya magazeti hayo likitegemea maarifa na kuonea shangwe kwetu makala hizi za wakati unaofaa.
WEKA MRADI WA KIBINAFSI
5 Huenda wengine wakataka kuweka mradi wa kibinafsi kwa ajili ya maangusho katika Aprili na Mei. Ukifanya hivyo, hakikisha kuomba ongezo linalolingana katika agizo lako la magazeti. Jambo hilo lapasa kufanywa mara moja, hasa ikiwa unapanga kufanya upainia msaidizi wakati wa miezi hiyo. Kwa njia hiyo kundi laweza kuagiza magazeti ya ziada kungali wakati wa kutosha ili liwe nayo yanapohitajiwa.
6 Bila shaka, kuna njia nyingi za kuangusha magazeti licha ya huduma ya nyumba kwa nyumba. Tunaweza kutoa magazeti katika utoaji wa ushahidi wa barabarani mahali inapofaa na tunapozuru mabiashara. Ndugu wengi wamesitawisha kawaida za kupelekea watu magazeti. Unapofanya ziara za kurudia kwa watu wanaopendezwa, matoleo ya karibuni zaidi yaweza kuachwa. Kutoa ushahidi wa vivi hivi pia ni njia bora sana ya kutoa ushahidi na kuangusha magazeti. Nyakati nyingine kule kuonyesha tu majalada yayo yenye kuvutia macho kwatosha kuanzisha mazungumzo au kuyaangusha.
7 Kumbuka kwamba magazeti yetu ni tofauti. Yanaonyesha njia inayoenda kwenye amani, furaha, na uhai wa milele. (Yn. 17:3) Kwa hiyo panga sasa kuonea shangwe utendaji wa ziada kwa makala maarufu zitakazochapishwa katika matoleo ya Aprili na Mei ya Mnara wa Mlinzi na Amkeni!