Kutosheleza Uhitaji Wako wa Kiroho
1 Yesu alisema: “Wenye furaha ni wale wanaoona uhitaji wao wa kiroho.” (Mt. 5:3, NW) Kwa nini ni jambo la maana sana kuona uhitaji wetu wa kiroho? Twaweza kudhihirishaje tunauuona? Ni mitego gani ambayo lazima tuepuke, na ni baraka gani zitakazotokana na kuona uhitaji wetu wa kiroho?
2 Bila shaka sisi sote tumezoeleana na uhusiano baina ya hali njema yetu na chakula kinachofaa. Mtu hawezi kuendelea kupuuza mahitaji yake ya kimwili daima kisha atazamie kufanya kazi ya kiwango cha juu siku baada ya siku. Kanuni iyo hiyo yahusu kama tukipuuza kujilisha wenyewe kiroho.—Mt. 4:4; Yn. 17:3.
MIKUTANO HUSAIDIA KUTOSHELEZA MAHITAJI
3 Kuna uhusiano wa moja kwa moja kati ya hali njema yetu ya kiroho na programu yetu ya ulishaji wa kiroho. Kwenye mikutano yetu, “mtumwa mwaminifu mwenye akili” huandaa mlo mzuri wa kiroho ili kutosheleza uhitaji wetu. (Mt. 24:45-47) Kila mkutano hutumikia kusudi fulani hususa, na hakuna wowote unaopasa kupuuzwa. Je! wewe hutayarisha kwa ajili ya mikutano yote na kuihudhuria kwa ukawaida?
4 Ebu tufikirie kwa ufupi mitatu tu kati ya mikutano yetu mitano ya kila juma. Mkutano mkuu uliokusudiwa kutufanya tuwe sambamba na ukweli wenye kusonga mbele ni Funzo la Mnara wa Mlinzi. Shule ya Huduma ya Kitheokrasi yaweza kutusaidia tuwe wahudumu wenye ustadi. Funzo la Kitabu la Kundi huandaa funzo la uangalifu la habari za Biblia mbalimbali.
5 Je! wewe hutayarisha kwa ajili ya mikutano ya kundi? Huenda wengine wakapitia mbiombio habari ya funzo, wakitia mistari haraka-haraka ya majibu ya maswali, lakini wasifungue maandiko yaliyotajwa. Huenda wakawa tayari kidogo kutoa maelezo, lakini je! wanapata kiasi kamili cha mlo wa kiroho uliopo? Je! kuna nafasi ya kufanyia maendeleo njia ambayo wewe na familia yako hutayarisha kwa ajili ya mikutano?
NUNUA WAKATI
6 Unapoweka kando wakati wa kutayarisha kwa ajili ya mikutano, usiruhusu televisheni au utendaji mwingine wa maana ndogo uingiliane na mipango yako. Vichwa wa familia, hasa, wapaswa kusaidia familia zao zishikamane na programu ya kawaida ya funzo la Biblia, matayarisho kwa ajili ya mikutano, na ushiriki katika utumishi wa shambani. Wote wapaswa kuchukua kwa uzito ushauri wa mtume Paulo wa ‘kununua wakati wenye fursa’ na kutanguliza hali yetu ya kiroho.—Efe. 5:15-17, NW.
7 Kwa kuona uhitaji wetu wa kiroho, tutaepuka mitego ya ubaridi, au kinaya. Tukiwa watu mmoja mmoja na tukiwa familia, tuna mahitaji halisi ya kiroho. Furaha yetu ya milele yategemea jitihada tunazotia ili kutosheleza uhitaji wetu wa kiroho.