Kulipendekeza Neno la Mungu
1 Wengi leo huliona Neno la Mungu kuwa la kizamani na lisilotumika kihalisi. Hata hivyo, Neno la Mungu lina nguvu za kugeuza maisha. (Ebr. 4:12) Hilo limedhihirishwa katika kufikiri, mwenendo, na mitazamo iliyofanyiwa maendeleo ya watu wa namna namna. (Efe. 4:24) Kutumia ushauri wa Biblia huchangia kuleta mazingira yenye furaha ya familia. Huendeleza mahusiano ya kijirani, bila kujali jamii, rangi, au cheo cha mtu katika ujamii.—Luka 10:29-37.
2 Yale tuliyojionea wenyewe kuhusiana na Neno la Mungu yapasa yatusukume tuwatie moyo wengine wajichunguzie wenyewe ukweli wa thamani ya Biblia. Mpango mzuri wa kufanya hivyo umeandaliwa katika Kichwa cha Mazungumzo chetu kipya, “Kwa Nini Uisome Biblia?” Twaweza kutumiaje kichwa hiki pamoja na New World Translation na ama broshua Trinity ama broshua “Tazama!” katika huduma yetu wakati wa Novemba?
KUKITUMIA KICHWA CHA MAZUNGUMZO
3 Baada ya utangulizi mfupi, tungeweza kusema: “Kukiwa na mikazo na matatizo mengi yanayoathiri familia leo, tunazuru kuelekeza fikira zenu kwenye chanzo pekee cha msaada wa kweli na wenye kutumika. Katika wakati uliopita, mara nyingi watu walitegemea Biblia kwa mwongozo, lakini nyakati zimebadilika, sivyo? Je! wewe unafikiri Biblia inaweza kusaidia kutatua matatizo ya leo, kama vile matumizi mabaya ya madawa ya kulevya, kutotii kwa watoto, na familia zilizofarakana? [Ruhusu jibu.] Angalia inavyosema Biblia kwenye 2 Timotheo 3:16. [Soma.] Je! wewe unafikiri Biblia inaweza kutumia mavutano ya aina hiyo yenye manufaa? [Ruhusu jibu.] Watu walio wengi wanahitaji na wanataka namna fulani ya mwelekezo wanapokabili matatizo au wanapofanya maamuzi maishani, sivyo? Fikiria linakoweza kutuongoza Neno la Mungu. [Soma Yohana 17:3.] Biblia hutoa mwelekezo ulio wazi katika kutatua magumu ya kibinafsi na kuonyesha tumaini hakika kwa wakati ujao.” Ikiwa mtu huyo aonyesha kupendezwa halisi katika kupata uelewevu wa Neno la Mungu, tungeweza kuonyesha thamani ya New World Translation au mojawapo broshua.
4 Unapotolea utangulizi New World Translation, muulize mwenye nyumba kama ana nakala yake mwenyewe ya Biblia na kama anaiona ikiwa rahisi kuisoma. Ikitegemea jibu, ungeweza kuvuta fikira zake kwenye baadhi ya mambo yenye msaada ya New World Translation, kutia ndani utumizi wayo wa lugha ya ki-siku-hizi na kurudishwa kwa jina la Mungu. Huenda pia ukalipata kuwa jambo lenye kusaidia kutaja jambo moja au mawili kutoka kurasa 248-52 za kitabu Kutoa Sababu. Watolee wenye kupendezwa funzo la Biblia nyumbani la kibinafsi.
5 Unapoelekeza fikira kwenye broshua Trinity, waweza kusema: “Watu wengi wenye mioyo minyofu wamefundishwa kuuamini Utatu, na bado walipata wazo hilo kuwa gumu sana kulielewa. Broshua hii inachunguza Utatu sana kwa maoni ya kihistoria na kwa msaada wa yale Biblia inasema. Je! ungetaka kuisoma?” Kwa habari ya kutumia broshua “Tazama!,” waweza kunasa kupendezwa kwa mwenye nyumba kwa kumwonyesha ama lile jarada lenye kuvutia ama kile kichwa kidogo “Mambo Mabaya—Sababu Gani Mungu Anayaruhusu?” katika ukurasa wa 15.
6 Wakati wa Novemba, iweni chonjo kutumia fursa za kuwatia watu moyo waisome Biblia. Fanyeni haraka kufanya ziara za kurudia kwa wale wanaoonyesha kupendezwa. Wasaidieni wasitawishe uthamini halisi kwa Neno la Mungu. Kwa kutumia kanuni zayo katika maisha yao, watapata manufaa za kudumu sasa na pia katika maisha yanayokuja.—1 Tim. 4:8.