Kutimiza Huduma Yetu ya Ufalme Shambani
1 Upendo kwa Yehova na kwa jirani hutusukuma tuhubiri habari njema za Ufalme. Kwa kutumia kwa ustadi kweli, sisi twaweza kupindua “mawazo na kila kitu kilichoinuka, kijiinuacho juu ya elimu ya Mungu.” (2 Kor. 10:5) Watch Tower Publications Index imekusudiwa itusaidie kuhusiana na hilo.
2 Kichwa kikuu kwa marejezo ya utendaji wetu wa kuhubiri shambani ni “Huduma ya Shambani.” Kila upande umezungumzwa humo, kutia na mwelekeo wetu sisi binafsi, matangulizi, kushinda vipingamizi, utoleaji wa vichapo kimoja kimoja, ziara za kurudia, na mafunzo ya Biblia. Je! ungependa kutolea jambo fulani kielezi kwa mambo kadhaa yaliyoonwa? Waweza kupata unachohitaji chini ya kichwa kilicho katikati “Mambo Yaliyoonwa.”
3 Je! mtu fulani amepinga akisema kwamba Biblia hujipinga yenyewe, labda akitaja mistari hususa inayoonekana kuhitilafiana? Chini ya “Uasilia wa Biblia,” vichwa vidogo “mapingano” na “upatani” hutoa marejezo ya ujumla yenye kuzungumzia kipingamizi hicho. Chini ya kichwa kidogo “maandiko yapatanishwa,” utapata orodha ndefu ya mistari mbalimbali ambayo huonekana ikipingana na marejezo ambayo huyatatua kwa wazi.
4 Katika maeneo fulani, lazima sisi tupindue mawazo juu ya mafundisho bandia ya msingi ya Jumuiya ya Wakristo, kama vile Utatu, moto wa mateso, na kutokufa kwa nafsi. Mna vichwa vikuu kwa kila mojayapo hayo. Chini ya “Utatu,” na “Kutokufa kwa Nafsi,” utapata kichwa kidogo “maandiko yanayotumiwa vibaya kuunga mkono.” Hicho kitakuelekeza kwenye mazungumzo yanayohusiana na maandiko mbalimbali. Jambo linalofanana na hilo lapatikana chini ya “Hell [Moto wa Mateso],” pamoja na kichwa kidogo chake “maandiko yanayotumiwa vibaya.”
5 Je! wewe hutamani kuanzisha funzo la Biblia? Au je, una moja ambalo halionekani likifanya maendeleo? Chini ya kichwa “Mafunzo ya Biblia” mna vichwa vidogo “kuanzisha,” “kusaidia—,” na “kufundisha,” kila kimoja kikiwa na marejezo ili kukusaidia upate na kuongoza mafunzo ya Biblia yenye maendeleo. Ili kukusaidia kujua wakati ambao ingefaa kuacha kuongoza funzo, fikiria vichwa vidogo “kuacha yasiyozaa matunda,” na “kuachisha.”
6 Je! wewe hutamani kufikilia mapendeleo zaidi katika huduma ya shambani? Vichwa “Huduma ya Wakati Wote,” “Mapainia Wasaidizi,” “Mapainia,” “Wamisionari,” na “Kutumikia Ambako Uhitaji ni Mkubwa Zaidi” hukuelekeza kwenye habari yenye mafaa juu ya jinsi ya kufikia miradi kama hiyo na kwenye mambo yaliyoonwa yenye kupendeza yaliyoonewa shangwe na wale ambao tayari wamefanya hivyo.
7 Kutimiza huduma yetu ya Ufalme shambani huleta uradhi mkubwa. (Yn. 4:34) Watch Tower Publications Index yaweza kukusaidia ushirikipo kazi hii yenye shangwe.