Watchtower MAKTABA KWENYE MTANDAO
Watchtower
MAKTABA KWENYE MTANDAO
Kiswahili
  • BIBLIA
  • MACHAPISHO
  • MIKUTANO
  • km 5/93 uku. 1
  • Kukabiliana na Ugumu wa Huduma ya Nyumba kwa Nyumba

Hakuna video yoyote kwa sasa.

Samahani, haikuwezekana kupakia video.

  • Kukabiliana na Ugumu wa Huduma ya Nyumba kwa Nyumba
  • Huduma Yetu ya Ufalme—1993
  • Habari Zinazolingana
  • Nyumba kwa Nyumba Bila Kuacha
    Huduma Yetu ya Ufalme—1994
  • Upendo wa Nyumba ya Mungu
    Kumsikiliza Mwalimu Mkuu
  • Yaliyomo
    Amkeni!—2019
  • Kwa Nini Huduma ya Nyumba kwa Nyumba Ni ya Maana Sasa?
    Mnara wa Mlinzi Unaotangaza Ufalme wa Yehova—2008
Pata Habari Zaidi
Huduma Yetu ya Ufalme—1993
km 5/93 uku. 1

Kukabiliana na Ugumu wa Huduma ya Nyumba kwa Nyumba

1 Lile wazo la kwenda nyumba kwa nyumba, kuwaendea watu usiowajua, huwa jambo gumu kwelikweli kwa wengi ambao hukubali ibada safi. Lakini upendo halisi kwa Yehova husaidia mtu kukabili gumu hili, na hata wale walio na haya sana kiasili, wamefanya maendeleo kufikia kuwa wahubiri wa wakati wote wa habari njema.

2 Ni wazi kulingana na Biblia kwamba Wakristo wa mapema walishiriki habari njema za Ufalme wa Mungu kwa kwenda nyumba kwa nyumba. (Mdo. 5:42; 20:20, 21) Tukiwa Wakristo katika karne hii ya 20, sisi pia tunashiriki katika kazi hii. Upendo wetu kwa Mungu na kwa jirani yetu hutusukuma tufanye kazi hii hata ingawa twaweza kukabili utofautiano, kuudhiwa, kudharauliwa, au upinzani wa moja kwa moja.

3 Linalotimizwa na Kule Kukabiliana na Ugumu: Kila mara twendapo, tunajitahidi kupanda mbegu chache za kweli, tukijua kwamba matokeo yenye kuzidizidi huenda yakazaa tunda la Ufalme. (Mhu. 11:6) Hali za mtu mmoja-mmoja hubadilika. Huenda jambo fulani likatendeka ambalo laweza kumfanya mwenye nyumba afikiri juu ya yale ambayo mmoja wetu alisema mlangoni, na huenda akakubali wakati mwingine.

4 Huduma yetu ya nyumba kwa nyumba huwapa wale ambao hutegemea kweli na uadili fursa ya kujifunza juu ya Yehova na makusudi yake, wakiyaanzia kwenye barabara inayoongoza kwenye uhai wa milele. Wale wanaofuatia anasa za ulimwengu wanaonywa kwa upendo kwamba wanahitaji kubadilika ili wafurahie kibali cha Yehova. Huduma hii pia hujulisha jina la Yehova na huleta heshima kwake, iwe wenye nyumba wanasikiliza au la.—Eze. 3:11.

5 Kufanya kazi katika huduma hutusaidia pia kusitawisha matunda ya roho kama vile upendo usio wa kibinafsi, shangwe, amani, na uvumilivu. (Gal. 5:22) Hutusaidia tuwe wanyenyekevu na wenye huruma, kwa kuwa inatia ndani kufanyia wengine mema. Kuwa wenye shughuli katika kazi ya Yehova hutulinda kutokana na ulimwengu.—1 Kor. 15:58.

6 Msaada wa Kukabiliana na Ugumu: Wapya wanahitaji kujifunza jinsi ya kushiriki katika kazi hii yenye kusisimua. Mara nyingi wao hukosa uhakika na hivyo huenda wakavunjika moyo kwa lile wazo la kwenda nyumba kwa nyumba. Twaweza kuongea nao juu ya vipingamizi vya kawaida na yale tunayoweza kusema kwa kuitikia. Twaweza kujizoeza kwa kutumia baadhi ya madokezo mazuri katika kitabu Kutoa Sababu juu ya unavyoweza kujibu vizuia-mazungumzo. Kwa nini usijitoe kuwasaidia wajitayarishe kwa ajili ya huduma ya shambani? Pia wanaweza kupata msaada mwingi kwa kuhudhuria mikutano ya utumishi wa shambani na baadaye kufanya kazi pamoja na wahubiri wengi wenye ujuzi. Kufanya kazi pamoja na kikundi kwaweza kutia nguvu sana.

7 Tuendapo nyumba kwa nyumba, tuna pendeleo la kumwakilisha Mungu wetu Yehova. Ni heshima gani nyingine kubwa kwa hakika anayoweza kuwa nayo mtu kuliko kuwa mfanyakazi mwenzi wa Yehova? (1 Kor. 3:9) Tukimtegemea, roho yake itatusaidia tukabiliane na ugumu wa huduma ya nyumba kwa nyumba.—2 Kor. 3:5.

    Maktaba Kwenye Mtandao (1980-2025)
    Toka
    Ingia
    • Kiswahili
    • Shiriki
    • Mapendezi
    • Copyright © 2025 Watch Tower Bible and Tract Society of Pennsylvania
    • Masharti ya Utumiaji
    • Sera ya Faragha
    • Mpangilio wa Faragha
    • JW.ORG
    • Ingia
    Shiriki