Je, Unatumia Vikaratasi vya Mwaliko?

Siku moja mvulana mwenye umri wa miaka 11 aliokota kikaratasi cha mwaliko wa hotuba ya watu wote kuhusu moto wa mateso. Alisema hivi baadaye: “Nilitaka sana kusikiliza hotuba hiyo, kwani mara nyingi nilikuwa nikifanya mambo yasiyofaa, na hivyo nilihofu kwamba nikifa nitaenda motoni.” Alienda kusikiliza hotuba hiyo, na mwaka mmoja hivi baadaye akabatizwa baada ya kujifunza Biblia mara kadhaa. Hivyo ndivyo Karl Klein, ambaye alikuja kuwa mshiriki wa Baraza Linaloongoza la Mashahidi wa Yehova, alivyoanza huduma yake akiwa Mkristo. Mambo yalianza kwa kuokota kikaratasi cha mwaliko.

Leo, bado vikaratasi vya mwaliko ni muhimu sana katika kuhubiri. Wahubiri wengi wameona kwamba kumpa mtu kikaratasi cha mwaliko ni njia rahisi ya kujitambulisha na kuanzisha mazungumzo. Wazazi wanaweza kuwashirikisha watoto wao katika huduma kwa kuwaacha wampe mwenye nyumba kikaratasi cha mwaliko. Wale ambao huhubiri kupitia barua wanaweza kuwajulisha watu kuhusu mikutano yetu kwa kutuma kikaratasi cha mwaliko pamoja na barua. Isitoshe, vikaratasi vya mwaliko vinafaa sana katika kuwaalika wanafunzi wa Biblia na watu wengine wanaopendezwa wahudhurie mikutano yetu.

Je, unatumia vizuri vikaratasi vya mwaliko unapohubiri?