Kampeni Ya Ulimwenguni Pote Ya Kuwaalika Watu Kwenye Kusanyiko La Wilaya La “Ukombozi Unakaribia!”
Wahubiri wa Kila Kutaniko Watasambaza Vikaratasi vya Pekee vya Mwaliko
1 Kutakuwa na kampeni ya ulimwenguni pote ya kuwaalika watu kwenye makusanyiko ya wilaya yatakayofanywa katika nchi 155. Kampeni hiyo itakayoanza katika nchi fulani mwezi wa Mei 2006, itaendelea hadi mfululizo huo wa makusanyiko ya wilaya utakapomalizika. Itafanywa pia kuhusiana na makusanyiko ya wilaya ya pekee huko Ujerumani, Jamhuri ya Cheki, na Poland yatakayofanywa mwezi wa Julai na juma la kwanza la Agosti, 2006.
2 Kwa kuwa tunaishi mwishoni mwa siku za mwisho, makusanyiko hayo ya wilaya yatakayokazia ahadi ya Mungu ya kuwakomboa watu kutoka katika mfumo huu mbovu, yanapaswa kuwachochea sana watu walio na mwelekeo unaofaa. Ujumbe wa makusanyiko hayo unapaswa kuwasukuma wazingatie mambo yatakayotokea wakati ujao. Ili kuwapa makumi ya mamilioni ya watu nafasi ya kusikia ujumbe huo wa faraja na tumaini, zaidi ya makutaniko 98,000 ya Mashahidi wa Yehova yanatiwa moyo kushiriki kwa bidii katika kampeni ya kuwaalika watu kwenye kusanyiko watakalohudhuria.
3 Makutaniko yatapokea vikaratasi vya mwaliko vya kutosha ili kila mhubiri apate angalau vikaratasi 50. Vikaratasi vyovyote vya ziada vinaweza kutumiwa na mapainia. Katika kila kutaniko, kampeni hiyo itaanza majuma matatu kabla ya siku ya kwanza ya kusanyiko ambalo kutaniko hilo limepangiwa kuhudhuria. Muda huo utatosha kufikia maeneo mengi iwezekanavyo ya kila kutaniko.
4 Inapendekezwa kwamba, inapowezekana, mwenye nyumba akabidhiwe kikaratasi cha mwaliko yeye binafsi. Hata hivyo, iwapo hakuna mtu nyumbani, kikaratasi hicho kinaweza kuingizwa chini ya mlango. Jitahidini kusambaza vikaratasi vyote vya mwaliko katika kipindi hicho cha majuma matatu.
5 Tunasadiki kwamba usha-hidi mkubwa utatolewa kupitia kampeni ya ulimwenguni pote ya kuwaalika watu kwenye Kusanyiko la Wilaya la “Ukombozi Unakaribia!” ambayo imezungumziwa katika makala hii. Twamwomba Yehova abariki jitihada za kila mmoja wenu mtakapokuwa mkishiriki katika kampeni hiyo ya ulimwenguni pote.