Video Inayopaswa Kufikiriwa kwa Uzito
“Video hii kwa kweli inakufanya ufikiri!”
“Ilinigusa sana moyo!”
“Nililemewa na hisia!”
1 Je, hivyo ndivyo ulivyohisi ulipotazama kwa mara ya kwanza video Young People Ask—How Can I Make Real Friends? Miaka kadhaa iliyopita ndugu mmoja kijana alikuwa akikabili hali ngumu katika maisha, kwa sababu ya marafiki ambao alichagua. Walimfanya apoteze upendezi katika kweli na uhusiano wake pamoja na Yehova. Kisha video Real Friends ikatolewa. Aliandika hivi: “Nilipokuwa nikitazama video hiyo tena na tena, machozi yalianza kunidondoka. Nilimshukuru Yehova kwa kunisaidia kwa wakati unaofaa.” Video hiyo ilimsaidia kubadili maisha yake na kupata marafiki wanaofaa. Aliongeza kusema hivi: “Inaonekana kwamba nyinyi mnajua kile kinachowaathiri vijana.” Wazazi na vijana, mbona msiiangalie tena video hiyo kwenye funzo lenu la familia litakalofuata? Isimamisheni kidogo baada ya kila onyesho, na mzungumze pamoja waziwazi na kwa unyoofu maswali katika mafungu yafuatayo.
2 Utangulizi: Rafiki wa kweli ni yupi?—Met. 18:24.
3 Vipingamizi vya Kupata Rafiki: Unaweza kuzishindaje hisia za kupuuzwa? (Flp. 2:4) Kwa nini unapaswa kuwa tayari kuboresha utu wako, na ni nani anayeweza kukusaidia kufanya hivyo? Fursa za kupata marafiki wengi zaidi zinaweza kupatikanaje, na unaweza kuwapata wapi?—2 Kor. 6:13.
4 Urafiki Pamoja na Mungu: Unaweza kukuzaje uhusiano wa karibu pamoja na Yehova, na kwa nini jitihada hizo zinafaa? (Zab. 34:8) Ni nani anayeweza kuimarisha uhusiano wako pamoja na Mungu?
5 Marafiki Wabaya: Ni nani walio marafiki wabaya? (1 Kor. 15:33) Marafiki wabaya wanawezaje kumwangamiza mtu kiroho? Simulizi la Biblia kuhusu Dina linakufundisha nini?—Mwa. 34:1, 2, 7, 19.
6 Drama ya Kisasa: Tara aliathiriwaje na upweke? Aliuteteaje urafiki wake pamoja na vijana walimwengu? Walimwingiza kwenye hatari gani? Kwa nini wazazi wake walishindwa kutambua hatari aliyokuwa akikabili, lakini walimsaidia kurudia hali njema ya kiroho wakiwa na mtazamo gani? Dada painia alithibitikaje kuwa rafiki wa kweli wa Tara? Kwa nini Wakristo wanapaswa kutii andiko la Methali 13:20 na Yeremia 17:9? Tara alijifunza somo gani muhimu?
7 Umalizio: Umejifunza mambo gani kutokana na video hii? Unaweza kuitumiaje kuwasaidia wengine?—Zab. 71:17.