Onyesha Upendo Katika Familia

Upendo ndiyo gundi inayounganisha familia. Bila upendo, itakuwa vigumu kwa familia kudumisha umoja na ushirikiano. Waume, wake, na wazazi wanaweza kuonyeshaje upendo katika familia?

Mume mwenye upendo atafikiria mahitaji, maoni, na hisia za mke wake. (Efe 5:28, 29) Yeye huandaa mahitaji ya kimwili na ya kiroho, kutia ndani kuhakikisha kwamba anadumisha ratiba ya jioni ya Ibada ya Familia. (1Ti 5:8) Mke mwenye upendo atajitiisha kwa mume wake na “kumheshimu sana.” (Efe 5:22, 33; 1Pe 3:1-6) Wenzi wote wawili wanapaswa kuwa tayari kusameheana kwa hiari. (Efe 4:32) Wazazi wenye upendo humwonyesha kila mtoto upendezi na kumfundisha kumpenda Yehova. (Kum 6:6, 7; Efe 6:4) Watoto wao wanakabili changamoto gani shuleni? Wanakabilianaje na shinikizo kutoka kwa vijana wenzao? Kunapokuwa na upendo mwingi katika familia, wote watajihisi wakiwa salama.

TAZAMENI VIDEO YENYE KICHWA ONYESHA UPENDO USIOSHINDWA KATIKA FAMILIA, KISHA MJIBU MASWALI YAFUATAYO:

• 

  Mume mwenye upendo humlisha na kumtunza mke wake katika njia gani?

• 

  Mke mwenye upendo anamwonyeshaje mume wake kwamba anamheshimu sana?

• 

  Wazazi wenye upendo hukaziaje Neno la Mungu kwa watoto wao?