Onyesha Hisia-Mwenzi

Hisia-mwenzi ni uwezo wa kuelewa fikira, hisia, viwango, na mahitaji ya wengine. Ni rahisi kwa wengine kutambua ikiwa tuna hisia-mwenzi. Sifa hiyo inatokana na tamaa ya kuwasaidia wengine. Tunapoonyesha hisia-mwenzi katika huduma, tunaiga upendo na utunzaji wa Yehova, na hilo huwafanya watu wamkaribie.—Flp 2:4.

Kuonyesha hisia-mwenzi si mbinu tunayotumia tu ili kuwafundisha watu. Tunawaonyesha watu hisia-mwenzi kupitia jinsi tunavyowasikiliza, kuzungumza nao, pia kupitia mtazamo wetu, na ishara zetu za mwili na uso. Tunaonyesha hisia-mwenzi kwa kupendezwa na mtu kikweli. Tunatambua mapendezi, imani, na hali zake. Tunampa habari na msaada unaofaa lakini hatumlazimishi kubadilika. Watu tunaowahubiria wanapokubali msaada wetu, shangwe yetu katika huduma inaongezeka.

TAZAMENI VIDEO YENYE KICHWA PATA SHANGWE YA KUFANYA WANAFUNZI—BORESHA USTADI WAKO—ONYESHA HISIA-MWENZI, KISHA MJIBU MASWALI YAFUATAYO:

• 

  Neema alionyeshaje hisia-mwenzi Lulu alipochelewa?

• 

  Neema alionyeshaje hisia-mwenzi Lulu aliposema ana mkazo sana hawezi kujifunza?

• 

  Neema alionyeshaje hisia-mwenzi Lulu aliposema yeye hajui kupanga mambo?