Uumbaji Unaimarisha Tumaini Letu Katika Hekima ya Yehova

Je, sikuzote Yehova anajua kinachotufaa? Bila shaka! Ikiwa tunaamini hilo, tunaonyesha tuna hekima tunapofuata mwongozo wake. (Met 16:3, 9) Hata hivyo, mwongozo wake unapotofautiana na kile tunachofikiri, huenda imani yetu katika mwongozo huo ikajaribiwa. Tunaweza kuimarisha tumaini letu katika hekima ya Yehova kwa kutafakari kazi zake za uumbaji.—Met 30:24, 25; Ro 1:20.

TAZAMENI VIDEO YENYE KICHWA JE, NI KAZI YA UBUNI? CHUNGU WANAEPUKAJE MSONGAMANO BARABARANI? KISHA MJIBU MASWALI YAFUATAYO:

• Chungu wengi hufanya shughuli gani kila siku?

• Chungu huepukaje kuwa na msongamano?

• Ni kanuni gani ambazo wanadamu wanaweza kuiga ili kuepuka msongamano?

TAZAMENI VIDEO YENYE KICHWA JE, NI KAZI YA UBUNI? UWEZO WA NYUKI WA KURUKA, KISHA MJIBU MASWALI YAFUATAYO:

• Wanadamu hukabili changamoto zipi wanapoendesha ndege ndogo?

• Nyuki hufauluje kupaa bila matatizo?

• Siku moja wanadamu wanaweza kunufaikaje kutokana na hekima ya kisilika ya nyuki?

Umejionea uthibitisho gani wa hekima ya Yehova katika uumbaji katika eneo lenu?