Tumia Matukio ya Karibuni Katika Huduma Yako

Wakati wa huduma yake, Yesu alitumia matukio ya karibuni kufundisha mambo muhimu. (Lu 13:1-5) Wewe pia unaweza kutumia matukio ya karibuni kuchochea upendezi wa watu katika ujumbe wa Ufalme. Baada ya kutaja hali ngumu za kiuchumi, janga la kiasili, msukosuko wa kijamii, uraibu wa dawa za kulevya, au jambo lingine kama hilo, uliza swali litakalomchochea mtu kufikiri. Unaweza kumuuliza hivi: “Je, unafikiri tutawahi kuona . . . ikikomeshwa?” au “Unafikiri suluhisho kwa ajili ya tatizo la . . . ni nini?” Kisha mwonyeshe andiko linalohusiana na jambo hilo. Mtu huyo akipendezwa mwonyeshe video au chapisho kutoka kwenye Sanduku la Vifaa vya Kufundishia. Tunapojitahidi kufanya yote tuwezayo kugusa mioyo ya watu katika eneo letu, acheni “[tufanye] mambo yote kwa ajili ya habari njema.”​—1Ko 9:22, 23.

Ni habari zipi zinazoweza kuwavutia watu katika eneo lenu?