MAISHA YA MKRISTO
Jiwekee Miradi kwa Ajili ya Majira ya Ukumbusho
Kila mwaka, watu wa Yehova hutazamia kwa hamu kuadhimisha Ukumbusho pamoja. Kwa majuma kadhaa kabla na baada ya Ukumbusho, tunatumia vizuri nafasi za pekee tunazopata za kumsifu na kumshukuru Yehova kwa sababu ya zawadi ya fidia. (Efe 1:3, 7) Kwa mfano, tunajitahidi sana kuwaalika wengine kwenye Ukumbusho. Baadhi yetu hufanya mabadiliko ili wafanye upainia msaidizi tukiwa na lengo la kutimiza saa 30 au 50 katika mwezi wa Machi au Aprili. Je, ungependa kuongeza utendaji wako katika huduma wakati wa majira haya ya Ukumbusho? Ni nini kinachoweza kukusaidia ufaulu?
Mara nyingi tunatimiza mengi tunapofanya mipango mapema. (Met 21:5) Kwa kuwa majira ya Ukumbusho yamekaribia, sasa ndio wakati wa kuanza kufanya mipango. Fikiria jinsi ambavyo ungependa kuongeza huduma yako wakati wa majira ya Ukumbusho na ufikirie kile unachohitaji kufanya ili kufikia miradi yako. Kisha mwombe Yehova abariki jitihada zako.—1Yo 5:14, 15.
Je, unaweza kuorodhesha njia ambazo unaweza kuongeza huduma yako wakati wa majira ya Ukumbusho?