Jinsi ya Kutumia Video za Funzo la Biblia

Tuna video nne za funzo la Biblia tunazoweza kutumia katika huduma. Kila moja ilitayarishwa kwa kusudi gani?

• 

  Kwa Nini Ujifunze Biblia?—Video Nzima ilitayarishwa ili kuchochea hamu ya mtu katika Biblia haidhuru mtu huyo ana imani gani ya kidini. Inamtia moyo mtazamaji aichunguze Biblia ili apate majibu ya maswali muhimu zaidi maishani na inatoa mfano wa majibu yanayopatana na akili yaliyo katika Biblia. Inaeleza jinsi mtu anavyoweza kuomba funzo la Biblia.

• 

  Kwa Nini Ujifunze Biblia? (iliyofupishwa) inafanana na video nzima lakini imefupishwa sana. Inaweza kuwa na matokeo zaidi katika eneo ambalo watu wana haraka.

• 

  Ni Nini Hutendeka Kwenye Funzo la Biblia? ilitayarishwa kuchochea upendezi katika programu yetu ya kujifunza Biblia bila malipo na kujibu maswali yanayoulizwa kwa ukawaida kuhusu programu hiyo, kutia ndani jinsi ya kuomba funzo.

• 

  Karibu Kwenye Funzo Lako la Biblia ilitayarishwa ili ionyeshwe kwa wanafunzi wa Biblia. Ingawa video hiyo imewekwa kwenye ukurasa wa pili wa kitabu Furahia Maisha Milele!, inaweza kuonyeshwa mnapozungumzia broshua Furahia Maisha Milele! Video hiyo inatoa muhtasari wa habari zilizomo katika kitabu hicho na mambo ambayo mwanafunzi anaweza kutarajia wakati wa mazungumzo.

Ingawa kila video ilitayarishwa kwa ajili ya kusudi hususa, zote zinaweza kuonyeshwa au kutumwa inapofaa. Wahubiri wanatiwa moyo kuzifahamu na kuzitumia vizuri katika huduma.