Matokeo ya Video Zinazotoa Ushahidi

¹ “Kijana wetu alianza kutazama video hiyo hata kabla hajaanza kutembea. Yeye huirudia-rudia. Ni jambo lenye kupendeza kama nini kuwa na vifaa vinavyofundisha watoto wetu upendo wa Yehova!” Mzazi huyu alikuwa akiongea kuhusu video gani? Ile yenye kichwa Noah—He Walked With God. Mtoto wa mama mmoja ambaye si Shahidi aliona video ya Noah kwenye nyumba ya mtu fulani. Kisha mama ya mtoto huyo akatumia ofisi ya tawi mchango wa shilingi 7,000 za Kenya na kuomba video nyingine za kuonyesha watoto. Video zinazotayarishwa na tengenezo la Yehova zina matokeo sana kwa watu wazima na watoto.

² Katika Familia: Baada ya familia moja ya Mashahidi kutazama video Jehovah’s Witnesses Stand Firm Against Nazi Assault, mama yao alisema hivi: “Nimetafakari siku yote jinsi Yehova alivyowawezesha watu wa kawaida kuvumilia mambo yasiyo ya kawaida! Kufikiria hilo kumenikumbusha jinsi matatizo yangu yalivyo madogo yakilinganishwa na yao. Kutazama video hii na watoto wetu kumewasaidia waone waziwazi uhitaji wa kumtegemea Yehova. Kwa kuizungumzia pamoja nao, tumesaidia binti zetu wajitayarishe ifaavyo kukabiliana na misongo na minyanyaso yoyote ambayo huenda ikawapata.”

³ Shuleni: Mwanafunzi mmoja Shahidi aliweza kuonyesha wanadarasa wenzake video Stand Firm walipoombwa kutayarisha ripoti fulani. Hapo awali, mwalimu wao alikuwa amesema kwamba hakuwapenda Mashahidi. Baada ya kutazama video hiyo alisema hivi: “Hiyo imebadili kabisa maoni yangu kuhusu Mashahidi wa Yehova. Wakija nyumbani kwangu wakati ujao, nitawasikiliza na kuanza kujifunza Biblia nao!” Ni nini kilichobadili mtazamo wake kutuhusu? Alisema kwamba ni “upendo na uaminifu” wetu.

⁴ Katika Huduma: Dada mmoja alikutana na mwanamke ambaye hakutaka kuchukua kichapo, ijapokuwa alikuwa na maswali kutuhusu na kuhusu yale tunayoamini. Dada huyo alimrudia akiwa na video Jehovah’s Witnesses—The Organization Behind the Name na kumwonyesha mwanamke huyo na mume wake. Wote wawili waliifurahia sana na kukubali kujifunza Biblia. Kwa sababu ya ushahidi mzuri waliopewa, wakaanza kupatanisha maisha zao na mapenzi ya Mungu.

Je, unatumia video zetu kwa matokeo zaidi?