Vifaa Vinavyoelimisha, Vinavyochochea, na Vinavyoimarisha
1 Vina nguvu ya kuelimisha watu juu ya Biblia na juu ya Mashahidi wa Yehova. Vimechochea wengi kuchukua msimamo thabiti katika kweli. Vimeimarisha imani na uthamini wa watu wa Mungu waliojiweka wakfu. Hivyo ni vifaa gani? Ni vidio zinazotayarishwa na tengenezo la Yehova. Je, umezitazama zote kumi? Je, umezitazama hivi karibuni? Je, wewe huzitumia katika huduma yako? Kutolewa kwa vidio ya 11, Our Whole Association of Brothers, kulitangazwa kwenye mkusanyiko wa wilaya. Je, umeiagiza? Waweza kunufaikaje zaidi kutokana na vifaa hivi vizuri ajabu?
2 Makala ya gazeti la Mnara wa Mlinzi la Julai 1, 1999, “Jifunzeni Neno la Mungu kwa Ukawaida Mkiwa Familia” ilipendekeza “[ku]tenga sehemu ya wakati wako wa funzo ili kutazama sehemu fulani ya vidio za Sosaiti zenye maagizo . . . kisha kuizungumzia.” Kupatana na shauri hilo lifaalo, vidio tofauti itazungumziwa kwenye Mkutano wa Utumishi baada ya kila mwezi wa pili. Twamtia moyo kila mtu kutanikoni atazame vidio nyumbani kabla ya kuzungumziwa kwenye Mkutano wa Utumishi.
3 Mwezi huu twaanza na vidio ya kwanza kutayarishwa, Jehovah’s Witnesses—The Organization Behind the Name. Tazama na usikilize ili upate majibu ya maswali yafuatayo:
◼ Mashahidi wa Yehova wanajulikana sana kwa jambo gani?
◼ Kila kitu kinachofanywa Betheli chahusianishwa na andiko gani?
◼ Ni mandhari gani ya Biblia uliyoona ikionyeshwa, ikipigwa picha, na kuchorwa ili kutumiwa katika vichapo?
◼ Ni nini kinachokuvutia kuhusu njia ambayo vichapo vyetu hutayarishwa?
◼ Kuanzia 1920 hadi 1990, ni vichapo vingapi vimechapishwa na Sosaiti?
◼ Ni nani hasa miongoni mwa watu wa Mungu wanaopaswa kujitahidi kustahili kwa utumishi wa Betheli?—Mit. 20:29.
◼ Familia ya Betheli inaweka kielelezo gani bora kwa Mashahidi wa Yehova wote?
◼ Ni nini kinachokuvutia kuhusu kazi inayofanywa Betheli ili kueneza habari njema kwa watu wengi iwezekanavyo?
◼ Kazi ya ulimwenguni pote inategemezwaje kifedha?
◼ Sisi twaweza kuunga mkono kwa bidii utendaji gani, na kwa roho gani?—Yn. 4:35; Mdo. 1:8.
◼ Wewe wahisije kuhusu tengenezo lenye jina letu?
◼ Waweza kutumiaje vidio hii katika huduma?
Mwezi wa Desemba tutazungumzia vidio The Bible—Accurate History, Reliable Prophecy.