Jehovah’s Witnesses—Organized to Share the Good News

Kwa zaidi ya miaka 100, Mashahidi wa Yehova wamepangwa kitengenezo ili washiriki katika kazi ya kutangaza habari njema. Katika kampeni hiyo kubwa zaidi kuwahi kufanywa duniani, tunahubiri ujumbe huo katika mamia ya lugha na katika nchi zaidi ya 230. (Mt. 24:14) Kwa nini kazi hiyo ni muhimu? Inatimizwaje ulimwenguni pote? Video Jehovah’s Witnesses—Organized to Share the Good News inajibu maswali hayo kwa kuzungumzia kwa undani utendaji wetu wa ulimwenguni pote. Baada ya kutazama video hiyo, jibu maswali yafuatayo.

Video hii imeongezaje uthamini wako kuelekea (1) jitihada ambazo tengenezo la Yehova linafanya ili habari njema ihubiriwe? (2 Tim. 4:2) (2) familia za Betheli ulimwenguni pote? (3) mazoezi na elimu ambayo wamishonari na waangalizi wanapewa? (2 Tim. 2:2) (4) umuhimu wa kuanza kila siku kwa kuchunguza andiko la Biblia na kujitayarisha kwa ajili ya mikutano ya kila juma? (Mdo. 17:11) (5) faida za kuhudhuria mikutano yetu ya Kikristo? (Ebr. 10:24, 25) (6) baraka utakazopata Paradiso itakaporudishwa duniani? (Isa. 11:9) (7) pendeleo ulilo nalo la kushiriki katika kazi inayoendelea ya mavuno?—Yoh. 4:35.

Video hii imekuwa kifaa kizuri sana cha kuwasaidia watu wanaopendezwa, kujua mambo yanayohusiana na kazi ya ulimwenguni pote inayofanywa na Mashahidi wa Yehova. (8) Ni wakati gani unaofaa kuwaonyesha wanafunzi wetu wa Biblia, watu wa ukoo, na wengine, video hii? (9) Umekuwa na matokeo gani mazuri ulipowaonyesha watu video hii?

Tunapofikiria mambo ambayo Yehova anatimiza, tunachochewa kukubaliana na maneno haya ya mtunga-zaburi: “Wewe mwenyewe umefanya mambo mengi, Ee Yehova Mungu wangu, naam, kazi zako za ajabu na mawazo yako kutuelekea; hakuna wa kulinganishwa nawe.” (Zab. 40:5) Na tuitumie vizuri video hii kuwasaidia wengine wamthamini Yehova na kulithamini tengenezo lake!