MAISHA YA MKRISTO

Wasaidie Watu Wasiopenda Dini Wamjue Muumba Wao

Je, pindi fulani unasita kuwatolea ushahidi watu wasiopenda dini kwa sababu unafikiri hawatasikiliza? Ikiwa ndivyo, kumbuka kwamba watu wengi wasiopenda dini—kutia ndani watu wasioamini kwamba kuna Mungu—wamebadilika na kuwa Mashahidi wa Yehova. Mara nyingi, walihitaji tu kusaidiwa kuchunguza uthibitisho kwamba kuna Mungu.—Ro 1:20; 10:14.

TAZAMENI VIDEO YENYE KICHWA KUMBUKA—WATU WASIO NA IMANI WANAWEZA KUSITAWISHA IMANI!—WASIOPENDA DINI, KISHA MJIBU MASWALI YAFUATAYO:

Simulizi la Tommaso linakusaidiaje kuwa na mtazamo unaofaa kuhusu kuwatolea ushahidi watu wasiopenda dini?

Jibu lako

Jinsi ya kufanya hivyo

Mtu anapokuambia kwamba haamini kuna Mungu, uwe na fadhili, busara, na upendezwe sana na mawazo na hisia zake. (2Ti 2:24) Zungumzia habari ambazo zitamvutia. Je, yuko tayari kuzungumzia uthibitisho ambao umewasaidia watu wengi kuamini kuna Muumba? Ikiwa ndivyo, tumia machapisho na video zilizokusudiwa kutimiza hilo. Broshua Uhai—Ulitokana na Muumba? na Maswali Matano Muhimu Kuhusu Chanzo cha Uhai zimeongezwa kwenye Sanduku letu la Vifaa vya Kufundishia ili zipatikane kwa urahisi.

Mwanzoni, huenda ukaogopeshwa na wazo la kuzungumzia kweli na mtu ambaye haamini kwamba kuna Mungu. Kwa nini usimwombe msaada mhubiri mwenye uzoefu? Kumbuka kwamba Yehova anaweza kutusaidia kufikia mioyo ya wale wenye mwelekeo unaofaa—hata ikiwa mwanzoni hawaamini kwamba yeye yupo.—Mdo 13:48.