Jifunze Ukiwa na Mtazamo Unaofaa

Tunapojitayarisha kwa ajili ya kujifunza kibinafsi, huenda tukajiuliza hivi: ‘Ninatarajia kujifunza nini?’ Hata hivyo, tunajitahidi kuwa waangalifu tusiruhusu matarajio yetu yatuzuie kuona jambo ambalo Yehova anatufundisha. Tunawezaje kudumisha mtazamo unaofaa tunapojifunza?

Sali ili upate hekima. Mwombe Yehova akusaidie kutambua kile ambacho anataka ujifunze sasa. (Yak. 1:5) Epuka kutegemea tu uelewaji wako wa zamani.—Met. 3:​5, 6.

Heshimu nguvu za pekee za Biblia. “Neno la Mungu liko hai.” (Ebr. 4:12) “Neno” la Mungu lililo hai linaweza kutuchochea kwa njia tofauti kila mara tunaposoma Biblia—lakini litafanya hivyo ikiwa tu tuko tayari kukubali jambo ambalo huenda tukajifunza au kunufaika nalo tunapolisoma.

Thamini maandalizi yote katika meza ya Yehova. Chakula chake cha kiroho ni kama “karamu ya vyakula vinono.” (Isa. 25:6) Epuka kutokula “vyakula” ambavyo unahisi hutafurahia. Utanufaika na pia kufurahia sana mambo ambayo Mungu anatuandalia!