Kwa Nini Vita na Ukatili Vinaendelea?

DHAMBI

Mungu aliwaumba wazazi wetu wa kwanza, Adamu na Hawa, kwa mfano wake. (Mwanzo 1:27) Hilo linamaanisha kwamba wangeonyesha sifa za Mungu kama vile amani na upendo. (1 Wakorintho 14:33; 1 Yohana 4:8) Hata hivyo, Adamu na Hawa walikosa kumtii Mungu na kutenda dhambi. Na matokeo ni kwamba sisi sote tumerithi dhambi na kifo. (Waroma 5:12) Dhambi tuliyorithi hutuchochea kuwa na mawazo na matendo ya kikatili.—Mwanzo 6:5; Marko 7:​21, 22.

SERIKALI ZA WANADAMU

Mungu hakutuumba ili tujitawale sisi wenyewe. Biblia inasema hivi: “Mwanadamu anayetembea hana uwezo wa kuongoza hatua yake.” (Yeremia 10:23) Kwa sababu hiyo, serikali za wanadamu haziwezi kuondoa kabisa vita na ukatili.

SHETANI NA ROHO WAKE WAOVU

Biblia inafunua kwamba “ulimwengu mzima unakaa katika nguvu za yule mwovu.” (1 Yohana 5:19) “Yule mwovu” anaitwa Shetani Ibilisi, naye ni muuaji mwenye ukatili. (Yohana 8:44) Yeye pamoja na roho wake waovu, ndio wanaowachochea watu wapigane na wawe wakatili.—Ufunuo 12:​9, 12.