Shinda Upweke kwa Urafiki—Biblia Inaweza Kusaidiaje?

Mwaka wa 2023, wataalamu wa afya ulimwenguni pote walitambua upweke ni tatizo zito sana la afya linalohitaji kushughulikiwa. Je, kuna suluhisho la tatizo hilo?

•  Dakt. Vivek Murthy, daktari mkuu wa upasuaji nchini Marekani anasema hivi: “Kujihisi wapweke na kujitenga na watu kunaweza kutudhuru sana kiafya na kuathiri furaha yetu.” Lakini anaongezea hivi: “Tuna uwezo wa kurekebisha hali hiyo mbaya.” Jinsi gani? “Tunaweza kufanya mambo madogo kila siku ili kuimarisha urafiki wetu na watu wengine.”a

Upweke hausababishwi tu na kujitenga. Huenda watu fulani wakajihisi wapweke hata wanapokuwa miongoni mwa watu wengi. Hata iwe upweke wetu unasababishwa na nini, Biblia inaweza kutusaidia. Ina ushauri unaofaa ambao unaweza kutusaidia kushinda upweke kwa kuimarisha urafiki wetu na wengine.

Kanuni za Biblia zinazoweza kusaidia

Wasiliana na wengine kwa njia nzuri. Hilo halimaanishi kuwaeleza wengine hisia zako tu, bali pia kuwa msikilizaji mzuri. Kadiri unavyomwonyesha mtu kwamba kwa kweli unapendezwa naye, ndivyo uhusiano wenu utakavyoimarika.

•  Kanuni ya Biblia: “Mkiangalia, si faida zenu wenyewe, bali pia faida za wengine.”​—Wafilipi 2:4.

Uwe na marafiki wa aina mbalimbali. Uwe tayari kuanzisha urafiki na watu wenye umri mkubwa zaidi au mdogo zaidi kuliko wewe au ambao wana utamaduni tofauti na wewe au wanaotoka katika nchi nyingine.

•  Kanuni ya Biblia: “Fungueni kabisa mioyo yenu.”​—2 Wakorintho 6:13.

Ili kupata habari zaidi kuhusu jinsi ya kusitawisha urafiki na wengine, ona makala yenye kichwa “Kutosheleza Tamaa Yetu ya Kuwa na Marafiki.”