Je, Mungu Ni Nguvu Zisizo na Utu?

Jibu la Biblia

Mungu ana nguvu zisizo na kifani katika ulimwengu wote. Kuhusu jinsi alivyoumba mabilioni ya nyota zisizohesabika, Biblia inasema hivi: “Inueni macho yenu juu, mwone. Ni nani ameviumba vitu hivi? Ni Yeye anayelileta jeshi lake kulingana na hesabu, ambaye [Mungu] zote anaziita kwa jina. Kutokana na wingi wa nguvu zenye msukumo, yeye pia akiwa hodari katika nguvu, hakuna hata moja kati ya hizo inayokosekana.”—Isaya 40:25, 26.

Lakini Mungu si nguvu tu zenye uwezo mkubwa. Biblia inasema kwamba ana hisia, kama vile upendo na chuki. (Zaburi 11:5; Yohana 3:16) Pia, inafunua kwamba Mungu anaweza kufurahishwa au kukasirishwa na matendo ya wanadamu.—Zaburi 78:40, 41.