Kujua Habari na Matukio ya Wakati Wetu

Ofisi ya tawi ya Mashahidi wa Yehova katika Ujerumani ilipokea barua moja kutoka kwa mtawa Mkatoliki mwenye umri wa miaka 77. Alieleza hivi:

“Tangu nyumba yetu ya watawa ifungwe miaka 25 iliyopita, nimekuwa nikiishi katika makao ya kutunzia wazee-wazee. Mimi sikubaliani na imani zenu zote, lakini yale niliyosoma leo katika Mnara wa Mlinzi yanifanya nikiri kwamba mwajua sana habari na matukio ya wakati wetu. Nyinyi ni mnara wa mlinzi kwelikweli, mkifanya linaloahidiwa kwenye ukurasa wa pili, ‘huendelea kuyatazama matukio ya ulimwengu kwa kadiri yanavyotimiza unabii wa Biblia.’

“Kwa ujasiri na kwa halali nyinyi hueleza maneno ya Paulo kwenye 1 Wathesalonike 5:3: ‘Wakati wasemapo, Kuna amani na salama, ndipo uharibifu uwajiapo kwa ghafula.’ Katika kanisa letu sipati popote maelezo kama hayo. Mtu hawezi kubisha juu ya utendaji wa roho takatifu juu ya Mashahidi wa Yehova. . . . Nitafurahi kusoma magazeti yenu kwa ukawaida.”

Kwa kufuata kielelezo cha mtawa huyo Mkatoliki, wewe vilevile waweza kujifunza zaidi juu ya jinsi matukio ya ulimwengu yanavyotimiza unabii wa Biblia na jinsi Ufalme wa Mungu utakavyoharibu karibuni uovu na kufanyiza paradiso ya duniani pote.

Ikiwa ungependa habari zaidi kuhusu Mashahidi wa Yehova na imani zao, tafadhali andikia I.B.S.A., Box 47788, Nairobi, Kenya, au tumia anwani ifaayo iliyoorodheshwa kwenye ukurasa 5.

[Picha katika ukurasa wa 32]

MNARA WA MLINZI

Amani na Usalama

Maoni ya Biblia