Iweni Watakatifu Katika Mwenendo Wenu Wote

¹ Kama ilivyokuwa katika nyakati zilizopita, utakatifu ni takwa la kimungu kwa watumishi wa Mungu leo. Hivyo kuna uhitaji wa lazima kwa kila mmoja wetu aelewe waziwazi si kile utakatifu unachomaanisha tu bali pia jinsi na kwa nini wapasa kuwa tabia ya ibada yetu kwa Yehova. Kwa kusudi hilo, “Iweni Watakatifu Katika Mwenendo Wenu Wote” ndicho kichwa kitakachozungumzwa katika programu ya siku ya kusanyiko la pekee katika mwaka wa utumishi wa 1991.—1 Pet. 1:15.

² Kwa kuwa viwango na sheria za uadilifu za Yehova hutoka kwake akiwa yule Mungu Mtakatifu, ule msimamo wenye uadilifu ambao sisi huuonea shangwe ni tokeo la moja kwa moja la uhusiano wa karibu wa kibinafsi, tulio nao pamoja naye. Kwa hiyo, programu hiyo itasitawisha njia mbalimbali ili kuonyesha jinsi sisi tunavyoweza kufanyia maendeleo uhusiano wetu na Mungu. Hizo zatia ndani utii kwa viwango vyake vitakatifu, hata katika yale ambayo huenda yakaonwa kuwa mambo madogomadogo. (Luka 16:10) Tutasaidiwa tusitawishe uthamini wenye kina zaidi kwa matakwa ya Yehova ya utakatifu na kukumbushwa kwa nini hayo yapasa kuwa na uvutano juu ya kufikiri, mielekeo na njia zetu zote.

³ Hotuba mbili kuu zitakazozungumzwa zitakuwa “Kunyenyekea Ili Kuendelea Kutakaswa” na “Kupanua Utendaji wa Watu Watakatifu wa Yehova.” Matukio ya ulimwengu yenye kusisimua yatukiapo ikikazia kila siku katika akili zetu uharaka wa nyakati zetu, programu ya siku ya kusanyiko la pekee kwa mwaka mpya wa utumishi itatusukuma tuendelee kumtegemea Yehova kwa ajili ya mwelekezo na kutafuta kumpendeza sana kwa kujiendesha wenyewe katika utakatifu.—1 Pet. 1:14, 16.