Tangaza Habari Njema kwa Mnara wa Mlinzi

¹ Kwa kweli Mnara wa Mlinzi ni la pekee sana kwa sababu hilo hubeba habari njema. Kwa kutofautisha, vichapo vingi vya kilimwengu huwa na habari mbaya zenye kuvunja moyo. Tunaweza kuwaonyeshaje wengine kwamba Mnara wa Mlinzi ni tofauti, likiwa na ujumbe wenye kuburudisha kweli kweli?

² Tunaweza kuwaonyesha “Kusudi la Mnara wa Mlinzi” kwenye ukurasa wa 2 wa gazeti hilo. Onyesha kwamba kusudi lalo ni kukweza Yehova kuwa Mtawala Mwenye Enzi Kuu, kuchunguza matukio ya ulimwengu yanayotimiza unabii wa Biblia, kutoa ujumbe wenye kufariji kwa wale wanaoonewa, na kuimarisha imani katika maandalizi ya Mungu kwa wokovu wetu.

³ Je! maelezo yetu kuhusu Mnara wa Mlinzi yanajulisha mambo hayo kwa njia yenye kusadikisha? Yale tusemayo hayapasi kuwa maneno matamu tu ili kuamsha kupendezwa kwa muda; hayo yapasa yawe maneno ya maana, yakitia uhakika unaokuza tamaa ya kujifunza zaidi.

⁴ Matayarisho Yanahitajiwa: Tunahitaji kusoma kila gazeti kwa makini, tukichanganua utoaji mbalimbali eneo letu likiwa akilini mwetu. Kuchunguza Maandiko yaliyotajwa huongezea uelewevu wetu. Hilo laweza kuongeza uthamini wetu kwa kweli na kutusukuma kuishiriki na wengine. Ikiwa kweli haimo mioyoni mwetu, hatutakuwa na kichocheo cha kuisema.

⁵ Kupendezwa kunakoonyeshwa na mtu huamua kile tutakachotoa. Itikio linapokuwa hasi au la kukinai, maelezo yetu huenda yakatosha. Iwapo kupendezwa kunaonyeshwa lakini kwa kadiri ndogo, huenda ikawa bora zaidi kutoa tu magazeti ya karibuni au broshua. Ikiwa kuna wonyesho wa kupendezwa kikweli na tamaa ya kujifunza zaidi, ingefaa kutoa uandikisho.

⁶ Unaposoma makala mbalimbali katika toleo la karibuni zaidi la Mnara wa Mlinzi, jaribu kukumbuka mazungumzo ya wakati uliopita na wenye nyumba mahali ambapo habari hizo ziliamsha kupendezwa. Hakikisha unarudi na toleo hilo kwa mazungumzo zaidi.

⁷ Hatujui ni kwa muda mrefu kadiri gani na kwa ukubwa gani habari njema bado zitatangazwa. Hata hivyo, tunaweza kuwa na uhakika kwamba, Mnara wa Mlinzi litakuwa na sehemu kubwa katika yale yatakayotimizwa. Kwa kutumia uandalizi huo, twapaswa kuwaiga mitume kwa ‘kufundisha na kulihubiri neno la Bwana [Yehova, NW],’ kwa bidii.—Mdo. 15:35.