Programu Mpya ya Kusanyiko la Mzunguko

¹ Kichwa kitakachokuzwa katika programu mpya ya kusanyiko la mzunguko ya 1995 ni “Kesheni, Simameni Imara, Mkawe Hodari.” Msingi wacho ni maneno ya mtume Paulo ya kitia-moyo kwa Wakristo wa karne ya kwanza yaliyorekodiwa kwenye 1 Wakorintho 16:13.

² Programu hiyo itaanza kwa kukazia uhitaji wetu wa daima wa kujichunguza kiroho. Kudumisha msimamo thabiti kwa yale yaliyo sawa katika “siku [hizi] za mwisho” kwahitaji kadirio la kihalisi la uhusiano wetu na Yehova na msimamo wetu pamoja na tengenezo lake la kidunia. (2 Tim 3:1) Tutakumbushwa uthamini wa Mungu kuelekea jitihada zetu zote. Twahitaji kuagizwa katika njia za kuboresha sifa zetu za Kikristo na kudumisha mwenendo ulio kielelezo kizuri.

³ Uhitaji wa kuwa wenye bidii katika kazi ya kufanya wanafunzi huku tukifikilia ili kufanya maendeleo na kupata madaraka ya kiroho utakaziwa pia. Madokezo yenye kutumika juu ya jinsi watu mmoja-mmoja na familia wawezavyo kudumisha programu ya kawaida ya ulishaji wa kiroho yatakaziwa katika hotuba, maonyesho, na mazungumzo mbalimbali.

⁴ Jumamosi wale wenye kustahili wanaotaka kubatizwa wataweza kufanya tangazo la hadharani la wakfu wao kwa ubatizo katika maji. Kisha, Jumapili sisi sote tutataka kuwapo kwa ajili ya hotuba ya watu wote, yenye kichwa “Wewe Una Msimamo Gani Pamoja na Mungu?”

⁵ Programu itamalizia kwa kitia-moyo cha kuendelea tukiwa imara katika imani, sikuzote tukishughulikiana kwa roho ya upendo na amani. Kusanyiko la mzunguko ni mojapo fursa za pekee ambazo Yehova hutuandalia sisi sote ili ‘tuhimizane katika upendo na kazi nzuri.’ (Ebr. 10:24, 25) Fanya mipango hususa ili uwepo kwa ajili ya programu nzima kwa siku zote mbili.