Programu Mpya ya Kusanyiko la Mzunguko

¹ Kwa kutii maneno ya Yesu katika Mathayo 6:33, NW Wakristo wa kweli sikuzote wameweka Ufalme kwanza katika maisha yao. Hivyo basi, “Fulizeni Kuutafuta Ufalme Kwanza” ni kichwa kinachofaa cha programu ya kusanyiko la mzunguko ambalo litaanza Septemba 1993.

² Kuanzia mwanzo, programu itaonyesha uhalisi wa Ufalme, ikikazia kwamba ni serikali yenye kutenda ikiwa na mahali pa kutawala, watawala, raia, na sheria. Hata, sheria nyingi za serikali za wanadamu ambazo hunufaisha jamii leo zategemea sheria za Biblia.

³ Himaya na baraka tunazopokea kwa kuuweka Ufalme kwanza katika kila pande za maisha zetu zitaangaliwa. Shauri lenye msaada litatolewa kutuonyesha jinsi tunavyoweza kuepuka mahangaiko yasiyohitajika. Hotuba, maonyesho, na mazungumzo yataonyesha ni kwa nini ni jambo la maana sana kuwa na jicho sahili.

⁴ Jumamosi ya kusanyiko, wataka-kubatizwa waliostahili wataweza kufanya tangazo la peupe la wakfu wao kwa Yehova. Na Jumapili, sisi sote tutataka kuwapo kwa ajili ya hotuba ya watu wote, yenye kichwa “Mambo Ambayo Ufalme wa Mungu Utafanyia Ainabinadamu.”

⁵ Hakikisha umepanga kuwapo kwa siku zote za kusanyiko la mzunguko. Programu ya kusanyiko, ikiwa na ushirika wenye kupendeza wa ndugu, itaandaa kitia moyo chenye kujenga na kuburudisha ambacho hakuna mmoja wetu angependa kukikosa.