Kushangilia Ongezeko Ambalo Mungu Hutoa
1 Wakristo katika karne ya kwanza walikuwa wahubiri wenye bidii wa Ufalme. Walishangilia wakati ‘makanisa [“makutaniko,” NW] yalipoongezeka katika hesabu siku kwa siku.’ (Mdo. 16:5) Kuhubiri kwao kwa ujasiri kulienea hadi Asia, Ulaya, na Afrika, kukitokeza mavuno makubwa ya waamini.
2 Yesu alitabiri kwamba katika siku za mwisho, kazi ya kuhubiri ingefika hadi ‘ulimwengu wote na mataifa yote’! (Mt. 24:14) Wakati wa mwaka wa utumishi wa 1996, tuliendelea kupokea ripoti za maongezeko mazuri ajabu na vilele vipya vya watangazaji kutoka nchi zilizo tufeni pote. Makutaniko mengi mapya yamefanyizwa. Ukuzi huu wa haraka umefanya iwe lazima kujenga Majumba ya Ufalme na Majumba ya Kusanyiko mapya na vilevile kupanua majengo kadhaa ya ofisi za tawi.
3 Huduma ya Ufalme Yetu ya Agosti 1996 iliripoti kazi kubwa ya ujenzi inayofanyika Afrika. Utendaji uleule waendelea kotekote Amerika ya Latini. Katika mwaka wa utumishi wa 1996, Mexico yaripoti kilele chenye kutokeza cha watangazaji 470,098 na wastani wa mafunzo ya Biblia 600,751, kilichohitaji kutokezwa kwa makutaniko mapya 466! Upanuzi wa majengo yao ya ofisi ya tawi umeratibiwa kukamilishwa mwishoni mwa 1999. Ukuzi uleule katika nchi nyingine hufanya isiwezekane kuacha miradi ya ujenzi ya kitheokrasi.
4 Gharama za ujenzi ziko juu kila mahali, na ndugu zetu katika nchi nyingi hawana mengi ya kuchangia kwa njia ya kimwili. Hata hivyo, kwa bidii yao nyingi katika utumishi wa Yehova, kwa hakika wanakua kiroho na kuongezeka katika idadi kubwa. Mithali 28:27 hutuhakikishia kwamba “mwenye kugawia maskini hatahitaji kitu.” Utayari wetu wa kusaidia kuandaa gharama hizi za ujenzi hutokeza “usawazisho” wa vitu vya kimwili, unaowezesha wote wawe na furaha inayotokana na kutoa na shangwe inayotokana na kuona ongezeko ambalo Yehova hutoa!—2 Kor. 8:14, 15, NW; Mdo. 20:35.
[Picha katika ukurasa wa 4, 5]
Ofisi ya Tawi ya Paraguai
[Picha katika ukurasa wa 4]
Ofisi ya Tawi ya Ekuado
[Picha katika ukurasa wa 4, 5]
Upanuzi wa Mexico Waendelea Kujengwa
[Picha katika ukurasa wa 4, 5]
Tawi la Jamhuri ya Dominika
[Picha katika ukurasa wa 4]
Ofisi ya Tawi ya Brazili Ikiwa na Upanuzi
[Picha katika ukurasa wa 4, 5]
Ofisi ya Tawi ya Uruguai Ikiendelea Kujengwa
[Picha katika ukurasa wa 5]
Majumba ya Ufalme ya kawaida ya bei ya chini katika Amerika ya Latini
1. Brazili
2. Nikaragua
3. Chile
4. Kolombia
5. Mexico
6. Brazili
7. Peru
8. Venezuela
9. Mexico