Jinsi ya Kuanzisha Mazungumzo kwa Kutumia Trakti

Tangu Januari 2018, ukurasa wa kwanza wa Daftari la Mkutano wa Huduma na Maisha limekuwa na mapendekezo ya kuanzisha mazungumzo. Tumetiwa moyo tukazie fikira kuwa na mazungumzo na watu badala ya kuwaachia machapisho tu. Ili kuwasaidia wahubiri wawe na mazoea ya kuanzisha mazungumzo, video za mapendekezo ya kuanzisha mazungumzo zimeonyesha jinsi ya kuanzisha mazungumzo kwa kutumia Biblia peke yake. Lakini, je, hilo linamaanisha kwamba hatupaswi kutumia machapisho tunapohubiri nyumba kwa nyumba? Sivyo hata kidogo! Kwa mfano, trakti zinaweza kutumiwa kuanzisha mazungumzo. Tunaweza kufuata mojawapo ya njia hizi tunapotumia trakti zetu:

1. Uliza swali lenye orodha ya majibu kwenye ukurasa wa kwanza.

2. Onyesha jibu la Biblia lililo kwenye andiko (maandiko) mwanzoni mwa ukurasa wa pili. Muda ukiruhusu, soma na uzungumzie habari fulani katika trakti.

3. Mpe mwenye-nyumba trakti, na umtie moyo aisome muda atakaopenda.

4. Kabla ya kuondoka, mwonyeshe swali kwenye sehemu ya “Jambo la Kufikiria” na ufanye mpango wa kuzungumzia jibu la Biblia wakati ujao.

Utakaporudi, zungumzia jibu na umwachie swali lingine ambalo mtazungumzia wakati ujao. Unaweza kuchagua swali lililo kwenye tovuti yetu au kutoka kwa chapisho lililo kwenye ukurasa wa nyuma. Kwa wakati unaofaa, anza kutumia broshua Habari Njema Kutoka kwa Mungu! au chapisho lingine la kujifunzia kutoka kwa Sanduku la Vifaa vya Kufundishia.