MAISHA YA MKRISTO
Imarisha Imani Yako Katika Neno la Mungu
Neno la Mungu linaweza kubadili maisha yetu. (Ebr 4:12) Hata hivyo, ili kunufaika kutokana na mwongozo, mwelekezo, na ushauri wake tunahitaji kusadiki kwamba Biblia ni “neno la Mungu.” (1Th 2:13) Tunaweza kuimarishaje imani yetu katika Biblia?
Soma sehemu fulani ya Biblia kila siku. Unaposoma, tafuta uthibitisho kwamba Yehova ndiye Mtungaji wake. Kwa mfano, chunguza mashauri yaliyo katika kitabu cha Methali na uone jinsi hekima yake inavyoweza kutumika hata leo.—Met 13:20; 14:30.
Anza mradi wa kujifunza. Jifunze vizuri uthibitisho unaoonyesha kwamba Biblia iliongozwa na roho ya Mungu. Katika Mwongozo wa Utafiti wa Mashahidi wa Yehova, angalia chini ya kichwa “Biblia” kisha “Iliongozwa na Roho ya Mungu.” Pia unaweza kuimarisha imani yako kwamba ujumbe wa Biblia haujabadilishwa kwa kuchunguza habari iliyo kwenye Nyongeza A3 ya Tafsiri ya Ulimwengu Mpya.
TAZAMENI VIDEO YENYE KICHWA KWA NINI TUNA IMANI . . . KATIKA NENO LA MUNGU, KISHA MJIBU MASWALI YAFUATAYO:
Ukuta wa hekalu uliogunduliwa huko Karnak, Misri, unathibitishaje ukweli wa Neno la Mungu?
Tunajuaje kwamba ujumbe wa Biblia haujabadilika?
Kuokoka kwa Biblia kunakuthibitishiaje kwamba ni Neno la Mungu?—Soma Isaya 40:8