Namna jeje ɗe u onao i meso oho ?

DJAWABU LA I LABIBLU

« Mungu [...] atso vangua kula tsozi la matso yao, na i hufa ka itso ka tsena ; wala yeda, wala keme, wala utungu ka zitso ka tsena. Zi trongo za hale zi zimiha » (Mivenuliyo 21:3, 4, Tafaswiri ya dunia mpia).

IYO INA MANA TRINI NA WAWE ?

Wahadi unu usi hu va tama u pare :

dunia la haki (Mavingizi Risala 10:34, 35),

maesha ka yasi na uwaɗe wala utungu utso kao wotsi (Isaya 25:8 ; 33:24),

raha ka isi na mwiso, vwamoja na udjama waho na wandzani waho (Zaɓur 37:11, 29).

RITSO JUA RI AMINI IYO I LABIBLU I RONGOAO ?

Ewa, ha ushashi, vwa mana mbili :

• Mungu u shindro tsimidza nguwahadi zahe. Harimwa i Labiblu, Jehovah Mungu weke wahe tu ɗe a hiriwao « u Monyewe Ushindzi », mana zi nguvu zahe ka zisi na mupaka (Mivenuliyo 15:3, Tafaswiri ya dunia mpia). Ha zizo, waye atso shindra a tsimidze wahadi wahe ha u gaudza li dunia. Mauri ɗe hali i Labiblu i rongoao, « ha Mungu piya mufanyishiha » (Matiyo 19:26, Tafaswiri ya dunia mpia).

• Mungu asi tsaha a tsimidze nguwahadi zahe. Mufano, Jehovah « asi vendza swafi, tsena ha uharaka », a ɓaãthi watru wafa (Ayuɓa 14:14, 15).

  I Labiblu isi rongoa tsena : « Jehovah a kariɓu na wawo wa taãbihao rohoni hawo ; tsena asi komboa wawo wa lemewa zi fikira » (Zaɓur 34:18). Ewa, Mungu asi tsaha a saidie u watru wa taãbihao.

  Ritso jua rike na yakini, amba Jehovah asi tsaha a ri saidie ri pare maesha ya raha meso oho ! (Zaɓur 72:12-14 ; 145:16 ; 2 Monye 3:9).