Eɓa u watru wafa watso eshi tsena suku ?

DJAWABU LA I LABIBLU

« Vutsoka muɓaãthiyo » (Mavingizi Risala 24:15, Tafaswiri ya dunia mpia).

IYO INA MANA TRINI NA WAWE ?

Wahadi unu :

usi hu trulidza wakati wa filiwa na mutru u mu vendzao (2 Makorintiyo 1:3, 4),

usi hu toa harimwa uria ya i hufa (Mahebraniya 2:15),

usi hu va tama amba, utso parana na watru u wa vendzao wafa, wa hi ɓaãthiwa (Yuhani 5:28, 29).

RITSO JUA RI AMINI IYO I LABIBLU I RONGOAO ?

Ewa, ha ushashi, vwa mana traru :

• Mungu waye ɗe a umba ya maesha. I Labiblu isi rongoa amba, Jehovah Mungu ɗe « Monyewe uva watru piya u hayati, pumu, na piya zitru zasaliya » (Mavingizi Risala 17:24, 25 ; Zaɓur 36:9). Ha zizo, waye atso shindra a regeze hayati mutru afa.

• Mungu a ɓaãthi watru hale oho. Harimwa i Labiblu, vwa tarehi ya watru wa nane (mashaɓaɓi au waɗuhazi, watru ɓaɓa, watru mama au wanatsa) waka wa ɓaãthiwa, wa eshi shivandreju mwa tsi tsena. Wasaliya waka wa fu avasa, ɓe moja, madza i kana suku nne rangu aka a dzihwa ! (Yuhani 11:39-44).

• Mungu asi tsaha swafi a ɓaãthi watru tsena. Jehovah u yenga i hufa ; iyo anduyi haheju (1 Makorintiyo 15:26). Waye « asi vendza swafi, tsena ha uharaka » a mu shindre anduyi unu, a toe i hufa, ha u rumia u muɓaãthiyo. Waye ka si tsaha a homa, uregeza hayati wawo walio fikirani hahe, ile wa eshi tsena shivandreju mwa tsi (Ayuɓa 14:14, 15).