U Ufalume wa Mungu iyo trini ?

DJAWABU LA I LABIBLU

« U Mungu wa mbinguni, atso hetsi ufalume utso kao daima » (Danieli 2:44, Tafaswiri ya dunia mpia).

« Tsena atso volwa utawalifu, ungwana na ufalume... Utawalifu wahe, uwo utawalifu wa daima na ufalume wahe, ufalume ka una mwiso. » (Danieli 7:14, Tafaswiri ya dunia mpia).

IYO INA MANA TRINI NA WAWE ?

Zi nguwahadi zini zisi hu va yakini amba :

• vwa sirikali ya haki ilio amba, utso jua u pare faida na iyo, rangu avasa (Isaya 48:17, 18).

• maesha makamilifu na swiha na raha harimwa dunia mpia ilio kariɓu swafi (Mivenuliyo 21:3, 4).

RITSO JUA RI AMINI IYO I LABIBLU I RONGOAO ?

Ewa, ha ushashi, vwa mana mbili :

• Insa a enyesa trongo u Ufalume wa Mungu utso fanyao. Insa a somedza wanazioni wahe wa mie, ile u Ufalume wa Mungu uje, na i huvendza ya Mungu i fanyishihe shivandreju mwa tsi (Matiyo 6:9, 10, Tafaswiri ya dunia mpia). A enyesa namna swala ini itso djibiwao.

  Wakati aka shivandreju mwa tsi, Insa a lisi uwantru wakana ndza, a vonesa uwawaɗe, tsena a regeza hayati uwafu ! (Matiyo 15:29-38 ; Yuhani 11:38-44). Ha ivo alio amba waye ɗe atso kao Mufalume wa Ufalume wa Mungu, Insa a enyesa zi neema Ufalume unu utso vingiao wanadamu (Mivenuliyo 11:15, Tafaswiri ya dunia mpia).

• Zi trongo zilio duniani leo, zisi enyesa amba u Ufalume wa Mungu utso ja tsi hale. Insa a rongoa amba, kabula ya u Ufalume u tria usalama shivandreju mwa tsi, vutso ka kondro, ndza na midridrimiyo ya shivandre ya tsi harimwa li dunia (Matiyo 24:3, 7).

  Risi ona zi taãbu zini leo. Ha zizo, ritso jua rike na yakini amba u Ufalume wa Mungu utso toa zi taãbu mauri ɗe zizo piya tsi hale.