Mbani ɗe a tawaliao li dunia ?

DJAWABU LA I LABIBLU

« Li dunia piya li tawaliwa na u movu » (1 Yuhani 5:19, Tafaswiri ya dunia mpia).

« [Insa] aja [...] ha ujo angamidza zi anmali za Iɓilisa » (1 Yuhani 3:8, Tafaswiri ya dunia mpia).

IYO INA MANA TRINI NA WAWE ?

Kweli zini :

zisi hu eledza ha uzuri, i mana ya zi taãbu zilio duniani (Mivenuliyo 12:12),

zisi hu va mana ya uamini dunia la maesha ɓorwa (1 Yuhani 2:17).

RITSO JUA RI AMINI IYO I LABIBLU I RONGOAO ?

Ewa, ha ushashi, vwa mana traru :

• Mungu a laãni u utawalifu wa Iɓilisa. Jehovah Mungu a ãzimia utoa, u utawalifu wa Shetwani Iɓilisa, harimwa wanadamu. Asi toa wahadi amba « atso mu angamidza [...] Iɓilisa » tsena atso toa zi hasara zaja na waye (Mahebraniya 2:14, Tafaswiri ya dunia mpia).

• Mungu a mu tsahua Insa ile a tawalie li dunia. Insa, waye ɗe kinyume swafi wa mutawalizi muhaini, tsena wapeu halisi, a tawaliao li dunia leo. Mungu asi toa wahadi amba u mufalume Insa « atso voreha mutiti na masikini [...]. Atso wa komboa harimwa usongefu na u uguguru » (Zaɓur 72:13, 14, Tafaswiri ya dunia mpia).

• Mungu ka tso jua a rongoa trambo. I Labiblu isi enyesa amba : « Mungu waye ka rongoa trambo » (Mahebraniya 6:18, Tafaswiri ya dunia mpia). Jehovah a himo toa wahadi wa trongo, uwo sawa mauri i fanyishiha kamwe (Isaya 55:10, 11). Ɓila shaka, « u shefu wa li dunia lini atso vutswa mwendze » ! (Yuhani 12:31, Tafaswiri ya dunia mpia).