Namna jeje ɗe u onao i Labiblu ?

DJAWABU LA I LABIBLU

« Piya u Muangishiyo Muraharifu, uwo uja na Mungu » (2 Timuthausu 3:16, Haɓari ndjema ya i Maore).

IYO INA MANA TRINI NA WAWE ?

I Labiblu itso hu va :

madjawabu yatso hu jiviao ya masuala muhimu ya maesha (Nyasia 2:1-5),

nyasiya zendza waminifu harimwa ya maesha ya kula suku (Zaɓur 119:105),

tama ya kweli ya i meso oho (Maromu 15:4).

RITSO JUA RI AMINI IYO I LABIBLU I RONGOAO ?

Ewa, ha ushashi, vwa mana traru :

• Isi lingana fetre. I Labiblu ya angihwa na watru aruɓaini (40), harimwa muda wa maha alifu wa sita mia (1600). Wengini mwawo ka wa paro onana. Ɓe, zio za i Labiblu piya zi lingana fetre, tsena zisi tukuza li dzina, na i yezi na Ufalume wa Mungu harimwa zumbe zahe piya !

• Isi rongoa kweli ya uvenufu. U waangishi tarehi, wawo ka wa venua wakati nishani yawo ya shindrwa na nishani zangina. Ɓe u waangishi wa i Labiblu, wawo wa rongoa ha uvenufu makosa yao na ya umati wao. (2 Tarehi 36:15, 16 ; Zaɓur 51:1-4).

• Ina naɓawi zendza waminifu. I Labiblu i rongoa maha mia teni (200) kaɓula, amba li ɗago la hale la Ɓaɓiluna litso shindrwa (Isaya 13:17-22). I venua namna Ɓaɓiluna itso rengwao, tsena na li dzina la mutru atso i rengao, Cyrus ! (Isaya 45:1-3).

  I Labiblu ina tsena naɓawi zangina za hidjiri mauri ɗe hali za rongolwa. Eɓa iyo tsi mana ya uamini amba i Labiblu ija na Mungu ? (2 Monye 1:21).