Trini ɗe itso fanyao ata udjama u ke furahani ?

DJAWABU LA I LABIBLU

« Wa furahani [...] wawo wa vulikiao u urongonzi wa Mungu, tsena wa u triao ndziani ! » (Lukasi 11:28, Bible en français courant).

IYO INA MANA TRINI NA WAWE ?

Wa hi ɗunga nyasia zini, wawe na udjama waho, mutso kana zaidi :

mahaba ya kweli (Maefeso 5:28, 29).

mastaha (Maefeso 5:33).

waminifu wa kweli (Markusi 10:6-9, Tafaswiri ya dunia mpia).

RITSO JUA RI AMINI IYO I LABIBLU I RONGOAO ?

Ewa, ha ushashi, vwa mana mbili :

• Mungu ɗe a umba u udjama. I Labiblu isi rongoa amba « kula udjama [...] dzina lao lija » na Jehovah Mungu (Maefeso 3:14, 15, Tafaswiri ya dunia mpia). Yaãni, u udjama usi eshi mana Jehovah ɗe a u umba. Mana trini ilio muhimu mutru u i jua ?

  Fikiri : Usi la shahula yendza lada swafi, tsena usi tsaha u jue i namna ya pihwa. Utso mu dzisa ɗe mbani ? Ɓila shaka, ɗe u mutru a i piha.

  Ɗe ha i namna iyo, mutru a himo tsaha udjama wahe uke furahani, hairi mutru a mu dzise ɗe Jehovah, Muumbizi wa udjama (Mwandro 2:18-24).

• Mungu asi shahiliha na wanyu. Kula udjama, ulazimu u zunguhe zi nyasia za Jehovah zilio moni mwa Urongozi wahe, i Labiblu. Mana trini ? « Mana waye asi shahiliha na wanyu » (1 Monye 5:6, 7). Jehovah asi tsaha ɗe i ndjema ju la kula udjama, tsena nyasia zahe zizo zina faida dahari ! (Nyasia 3:5, 6 ; Isaya 48:17, 18).