Je, wewe ni mtangazaji aliye kawaida wa ufalme?

¹ Sisi sote tulishangilia tuliposikia kwamba Congo-Kinshasa ilifikia kilele cha wakati wote cha wahubiri 114,071 mnamo Septemba 1999. Jitihada yenye umoja na yenye azimio kwelikweli! Bila shaka, mnamo mwezi uliofuata, wengine kati ya wahubiri hao wamekuwa na magumu ya kuwa watangazaji walio kawaida wa Ufalme, kwa kuwa hesabu imekuwa ya 105,600. Hilo laonyesha kwamba mhubiri 1 juu ya 13 hakupanga kushiriki katika huduma kila mwezi. Tunaamini kwamba kitia-moyo kifuatacho kinaweza kusaidia kusuluhisha hali hiyo.

² Thamini lile pendeleo: Tunapaswa kuwa na uthamini wenye kina kirefu kwa pendeleo tulilo nalo la kushiriki habari njema ya Ufalme pamoja na wengine. Utendaji huo hufurahisha moyo wa Yehova na husaidia watu wenye mioyo minyofu kujifunza njia iongozayo kwenye uhai. (Mez. 27:11; 1 Tim. 4:16) Kutoa ushahidi kwa ukawaida hujenga ufundi wetu katika huduma na huko hufanya tujisikie wenye shangwe na wenye kutimiza kazi.

³ Ripoti utendaji: Wengine ambao hushiriki katika utumishi wa shambani hupuuza kuripoti utendaji wao pa wakati. Hatupaswi kamwe kufikiri kwamba jitihada yetu haistahili kuripotiwa. (Linganisha Marko 12:41-44.) Kwa vyovyote, tunapaswa kuripoti kile tulichofanya! Kuwa na utaratibu fulani nyumbani, kama vile kutumia kalenda, kwa ajili ya kuandika wakati uliopitishwa katika huduma kutakukumbusha sikuzote kutoa ripoti sahihi bila kuchelewa mwishoni mwa kila mwezi.

⁴ Toa msaada unaohitajiwa: Huenda mipango ya mahali penu ikaomba kufanywa kuwa bora ili kusaidia wale wanaohitaji msaada katika kuwa na ushirika wa kawaida katika huduma. Mwandishi wa kutaniko na viongozi wa mafunzo ya kitabu wanapaswa kuchukua mipango ili wahubiri wenye ujuzi watoe msaada. Ikiwa una watoto au wanafunzi wengine wa Biblia walio wahubiri wasiobatizwa, wazoeze kuripoti utendaji wao kila mwezi.

⁵ Kumbuka habari ya maisha, “Kushukuru kwa Ajili ya Maisha Marefu Katika Utumishi wa Yehova,” katika Mnara wa Mlinzi wa Oktoba 1, 1997. Dada Ottilie Mydland wa Norvège alikuja kuwa mhubiri aliye kawaida wa habari njema kabla ya ubatizo wake mnamo 1921. Miaka makumi saba na sita baadaye, alipokuwa na umri wa miaka 99, yeye alisema: “Nina[furahi] kwamba bado yawezekana kwangu kuwa mhubiri [aliye] kawaida.” Ni maoni mazuri ajabu kama nini ya kuigwa na watumishi wote wa Yehova!