Tuseme Nini Kuhusu Magazeti

MNARA WA MLINZI Jan. 15

“Kwa sababu ya umwagaji-damu wote ambao umetukia, je, unafikiri kwamba uovu umeshinda wema? [Acha mtu ajibu.] Ona yale ambayo Biblia inasema kuhusu Mungu. [Soma Zaburi 83:18b.] Kwa kuwa Mungu ndiye Aliye Juu Zaidi ya nchi yote, je, uovu unaweza kushinda kabisa? [Acha mtu ajibu.] Toleo hili la Mnara wa Mlinzi linatoa jibu lenye kutosheleza kwa ulizo hilo.”

Amkeni! Jan. 22

“Kuliko wakati mwingine wowote, usalama wetu ni wenye kutishwa. Jambo linalohangaisha sana ni lile linaloitwa wizi wa vitambulisho. Je, umepata kusikia juu ya hilo? [Acha mtu ajibu.] Biblia inaahidi kwamba siku moja katika dunia hii mambo yote yanayotisha usalama wetu hayatakuwako tena. [Soma Isaya 11:9.] Gazeti hili linaeleza jinsi jambo hilo litakavyotimizwa.”

MNARA WA MLINZI Feb. 1

“Leo watu wengi wana wasiwasi kuhusu ukosefu wa kazi, na wengine wako chini ya mkazo mkubwa kazini. Je, unafikiri kwamba inawezekana kuwa na furaha na usalama kazini? [Acha mtu ajibu. Kisha soma Isaya 65:21-23.] Toleo hili la Mnara wa Mlinzi linazungumzia wakati ambapo wote watakuwa na kazi yenye kuthawabisha.”

Amkeni! Feb. 8

“Toleo hili la Amkeni! linaripoti ukweli fulani wenye kuogopesha wa wakati wetu—ukahaba wa watoto. Namna hii yenye kusikitisha ya kutenda watoto vibaya ni jambo ambalo Biblia inaahidi litamalizika karibuni. [Soma Mezali 2:21, 22.] Gazeti hili linaonyesha ni nini kinachofanya watoto watendwe vibaya hivyo na pia jinsi jambo hilo litakavyomalizwa.”