Ujitie pa Nafasi ya Wengine
Tatizo
Kama tunakaza akili juu ya mambo yenye wengine wako nayo yenye inawatofautisha na sisi, tunaweza kufikia kuwaza kama ile mambo ni uzaifu. Kwa kweli, tutaanza kuona wengine kama wako wa hali ya chini. Wakati tunakuwa na mawazo ya mubaya juu ya wengine, itakuwa nguvu kwetu kujitia pa nafasi yao. Na kukosa kujitia pa nafasi ya wengine, inaweza kuonyesha kama tuko na tatizo kubwa, ni kusema, ubaguzi.
Kanuni ya Biblia
“Mufurahi pamoja na wale wenye kufurahi; mulie pamoja na wale wenye kulia.”—WAROMA 12:15.
Ile inamaanisha nini? Ile kanuni inatufundisha kama tunapaswa kujitia pa nafasi ya wengine. Kujitia pa nafasi ya wengine ni uwezo wa kujisikia vile wengine wanajisikia.
Faida ya Kujitia pa Nafasi ya Wengine
Wakati tunajitia pa nafasi ya mutu fulani, tunafikia kuelewa kama tuko sawasawa na ule mutu. Tunafikia kutambua kama ule mutu anaweza kujisikia kama vile tunajisikia, na anaweza kutenda kama vile tunatenda. Kujitia pa nafasi ya wengine kunatusaidia kuona watu wote kuwa familia moja ya wanadamu, hata kama wanatoka wapi ao ni wa hali gani ya maisha. Wakati tunakaza ajili juu ya mambo yenye inafanya tukuwe sawasawa na wengine, itakuwa nguvu tukuwe na mawazo ya mubaya juu yao.
Pia, kujitia pa nafasi ya wengine kunatusaidia tuwaheshimie. Anne-Marie wa inchi ya Senegal, alikuwa anazarau watu wenye walionwa kuwa wa hali ya chini. Anafasiria namna kujitia pa nafasi ya wengine kulimusaidia. Anasema hivi: “Wakati niliona magumu yenye wale watu wenye walionwa kuwa wa hali chini walikuwa wanakutana nayo, nilijiuliza kama ningejisikia namna gani ikiwa ningekuwa mu hali yao. Nilianza kuelewa kama siko wa hali ya juu kuliko wale watu, na niliona kama sikufanyaka jambo lolote juu nikuwe vile niko.” Wakati tunajikaza kuelewa magumu yenye mutu fulani iko anakutana nayo, itakuwa mwepesi kwetu kujitia pa nafasi yake kuliko kumusema mubaya.
Mambo Yenye Unaweza Kufanya
Kama uko na mawazo ya mubaya juu ya watu wa kikundi fulani, ukaze akili juu ya mambo yenye inafanya mukuwe sawasawa na watu wa kile kikundi. Kwa mufano, uwazie namna wanajisikiaka wakati
Kujitia pa nafasi ya wengine, kunatusaidia kuona watu wote kuwa familia moja ya wanadamu
wako wanakula chakula pamoja na watu wa familia yao
wanamaliza kufanya kazi ya nguvu
wanapitisha wakati pamoja na marafiki wao
wanasikiliza muziki wenye wanapendaka sana
Kisha, ufikirie namna unaweza kujisikia kama uko mu hali yao. Ujiulize hivi:
‘Ninaweza kutenda namna gani kama mutu fulani anafanya nijisikie kuwa mutu wa bure?’
‘Ninaweza kujisikia namna gani kama wengine wako na mawazo ya mubaya juu yangu bila hata kunijua?’
‘Kama ningekuwa mu kikundi chao, ningependa wengine wanitendee namna gani?’