Wakati Inaonekana Kama Maisha Inakuwa Nguvu Kuvumilia

Kwa mufano, Sally,a wa États-Unis, mwenye alipoteza sehemu kubwa ya vitu vyake wakati wa upepo mukubwa, anasema hivi: “Nilijisikia kama singeweza tena kuvumilia. Siku mingi nilijisikia kuwa nimefika ku mwisho.”

Ao, itakuwa namna gani ikiwa mupendwa wako anakufa? Janice, katika Australia, anasema hivi: “Wakati watoto wangu wawili wanaume walikufa, ilikuwa kama vile maisha yangu imevunjika vipande-vipande. Nilipaswa kufanya yote yenye ningeweza ili kuviunganisha tena. Nilimuomba Mungu hivi: ‘Tafazali, moyo wangu hauwezi tena kuvumilia! Uniache tu nilale. Sipendi tena kuamuka.’”

Daniel naye, alihuzunika sana wakati bibi yake alifanya uzinifu. Anaeleza hivi: “Wakati bibi yangu aliniambia kama amefanya uzinifu, nilijisikia kama vile kisu kimeingizwa ndani ya moyo wangu. Ile maumivu ya mwili ilinichoma tena na tena​—na ilifanya miezi mingi.”

Gazeti hili la Munara wa Mulinzi litazungumuzia namna maisha inaweza kuwa na maana hata wakati

• Musiba wa asili unatokea

• Mutu mwenye unapenda anakufa

• Bibi ao bwana anakosa uaminifu

• Uko unapambana na ugonjwa hatari

• Maisha inakuwa nguvu kuvumilia

Kwa hiyo, tuone kwanza kile tunaweza kufanya wakati musiba wa asili unatokea.