Magazeti Huutangaza Ufalme
1 Tukiwa Mashahidi wa Yehova, tunajulikana sana kwa kuhubiri kwetu kwenye bidii juu ya Ufalme wa Mungu. Magazeti Mnara wa Mlinzi na Amkeni! tunayoyagawa yanatimiza daraka lenye nguvu katika kusaidia mamilioni ya watu kujifunza juu ya makusudi ya Mungu. Ujumbe unaopatikana ndani kwa kweli ni habari njema, kwa kuwa unatangaza Ufalme wa kimbingu wa Mungu kuwa tumaini pekee kwa ajili ya ainabinadamu.
2 Magazeti hayo yanashughulika na mahitaji halisi ya watu—ya kihisia-moyo, ya kijamii, na ya kiroho. Tabia zenye thamani za kifamilia zikiwa zimeporomoka kila mahali, Mnara wa Mlinzi na Amkeni! husaidia watu kufanya maisha yao kuwa bora kwa kuwaonyesha namna ya kutumia kanuni za Biblia. Itakuwa furaha yetu kuonyesha magazeti mnamo Mei na Juni.
3 Ni Yenye Kupendeza Kwelikweli: Mnara wa Mlinzi na Amkeni! yanapatikana katika lugha za karibu wakaaji wote wa dunia. Kwa sababu hiyo, magazeti yetu yanajulikana sana. Hizi ni sababu fulani kwa nini watu wanavutiwa na hayo:
◼ Kama majarida (magazeti) ya ushikamanifu na ukweli, yanaonyesha wazi tofauti kati ya mema na mabaya.
◼ Yanatoa tumaini la paradiso yenye haki inayokuja, lenye msingi juu ya ahadi ya Mungu ya kuleta dunia chini ya utawala wa Ufalme wake.
◼ Aina nyingi mbalimbali za habari za wakati wenye kufaa zinatolewa, zikipendeza watu wa kila elimu na kila utamaduni.
◼ Makala ni zenye habari nyingi katika maneno machache, zenye kuelimisha, zenye kuambatana na matukio, zisizo na chuki wala kufanya mapatano yasiyofaa.
◼ Picha zenye kuvutia zinatokeza kupendezwa kwa mara moja, na mtindo wa kuandika ulio wazi hufanya magazeti yawe rahisi kusoma.
4 Tuyagawe kwa Wingi: Ugawaji wenye matokeo wa magazeti hutegemea kwa kadiri kubwa bidii yetu katika kutayarisha utoaji, kupanga wakati wetu, na kupanga utendaji wetu wa kuhubiri. Madokezo yenye kutenda yalitolewa katika nakala Huduma Yetu ya Ufalme ya Mei 1997, ambayo ingekuwa vizuri kuirudilia na kuitumia.
5 Tufahamiane na Magazeti: Kadiri unavyosoma kila toleo, fikiri juu ya mtu fulani ambaye angeweza kuthamini kupata nakala. Tazama nukta fulani au maandiko fulani unayoweza kutaja katika utoaji wako. Fikiri juu ya ulizo unaloweza kutumia ili kuanzisha mazungumzo na kuamsha kupendezwa katika habari.
6 Tupatanishe Utoaji na Mtu: Tutayarishe utoaji rahisi, wenye kubadilika ambao tunaweza kurekebisha kwa ajili ya mwanamume, mwanamke, mtu mwenye umri mkubwa, kijana, awe mtu tunayemjua au mgeni.
7 Tuwe Tayari Sikuzote Kutolea Mnara wa Mlinzi na Amkeni!: Kwa kuwa magazeti yanaingia kwa urahisi katika mfuko, katika kifuko na katika mfuko wa nguo, tunaweza kuchukua nakala mbalimbali pamoja nasi tunaposafiri au tunapofanya ununuzi. Tuzipendekeze tunapozungumza na washiriki wa familia yetu, majirani, wafanya kazi wenzetu, wanashule wenzetu, au walimu. Tuweke kando siku moja kila juma, kwanza kabisa kwa ajili ya ushahidi wa magazeti.
8 Tuonyeshe Uthamini Kuelekea Magazeti: Hayapotezi kamwe thamani yayo. Kupita kwa wakati hakupunguzi umaana wa ujumbe unaopatikana ndani. Bila shaka, ikiwa tunafanya jitihada ya pekee kuangusha magazeti yote tunayopokea, magazeti ya zamani hayatarundikana kwenye rafu.
9 Ushahidi wa Barabarani Ni Wenye Matokeo: Hii ni moja ya njia bora zaidi ya kutolea magazeti kwa hesabu kubwa ya watu. Wahubiri fulani huhubiri kikawaida katika barabara za kibiashara siku za kazi.
10 Eneo la Biashara Huzaa Matunda: Katika kazi ya duka kwa duka, tunapata watu wachache wasiokuwako nyumbani. Wengi wa wafanya biashara ni wenye adabu, na wengi hukubali magazeti kwa furaha. Tuonyeshe makala yanayofaa kipekee kwa mfanya biashara tunayekutana naye.
11 Njia za Ugawaji wa Magazeti Hutoa Uwezekano Mwingi: Kwa kuwa magazeti huchapwa mara mbili kwa mwezi, ni jambo lenye kufaa tu kurudilia watu wenye kuyasoma na kuwatolea namba za mwisho-mwisho. Tungeweza kufanya ziara za kurudia za kikawaida, si kuangusha tu magazeti bali pia kukomaza kupendezwa kwa mtu katika Biblia. Njia za ugawaji wa magazeti ni chanzo bora cha uwezekano wa mafunzo ya Biblia.
12 Tumia Vema Zaidi Mei na Juni: Mnara wa Mlinzi na Amkeni! yamepata kutumainiwa na mamilioni ya wasomaji wenye uthamini. Kwa kuwa ni yenye matokeo hivyo katika kutangaza Ufalme, tungepasa kufanya jitihada za pekee kuyachukua pamoja nasi na kuyatolea katika kila nafasi. Miezi ya Mei na Juni na iwe yenye kutokeza katika ugawaji wa magazeti!