Mambo ya kutosahau kwa ajili ya ukumbusho

Mwadhimisho wa Ukumbusho mwaka huu utakuwa Siku ya Yenga, Aprili 8. Wazee wanapaswa kutoa uangalifu kwa mambo yafuatayo:

◼ Katika kupanga wakati kwa ajili ya mkutano huo, hakikisheni kwamba mifano haitapitishwa mpaka jua litakapokuwa limetua.

◼ Kila mtu, kutia ndani msemaji, anapaswa kujulishwa kuhusu wakati sahihi na mahali pa mwadhimisho.

◼ Aina yenye kufaa ya mkate na divai inapaswa kupatikana na kufanywa kuwa tayari.—Ona Mnara wa Mlinzi wa Kifaransa wa Februari 15, 1985, ukurasa wa 17.

◼ Sahani, bilauri, na meza na nguo ya meza yenye kufaa vinapaswa kuletwa kwenye jumba na kupangwa mbele ya wakati.

◼ Jumba la Ufalme au mahali pengine pa mkutano panapaswa kusafishwa kikamili mbele ya wakati.

◼ Wakaribishaji na wahudumiaji wanapaswa kuchaguliwa na kupewa maagizo mbele ya wakati kuhusu madaraka yao na utaratibu wenye kufaa.

◼ Mipango inapaswa kuchukuliwa ili kuhudumia yeyote kati ya watiwa-mafuta aliye kilema au asiyeweza kuwako.

◼ Ikiwa zaidi ya kutaniko moja linapangwa ili kutumia Jumba la Ufalme lilelile, kunapaswa kuwe usimamizi mzuri kati ya makutaniko ili kuepuka msongamano usio wa lazima katika sebule au mwingilio, au kwenye vijia vya watu wote vya kando ya barabara, na mahali pa kuegeshea magari.