“Neno la Mungu . . . Ni Lenye Nguvu”

¹ “Neno la Mungu ni hai, lenye nguvu,” akaandika mtume Paulo. (Ebr. 4:12, ZSB) Alimaanisha nini kwa maneno hayo? Neno la Mungu, au ujumbe wake unaopatikana katika Biblia unaweza kuwa na uvutano wenye nguvu juu ya watu. Hekima inayopatikana katika Biblia ina nguvu ya kubadili maisha ya mtu na kuyafanya yawe bora. Faraja na tumaini ambavyo hilo linatoa huvuta wanadamu kwa Mtoaji wa Uhai, Yehova Mungu. Ujumbe wake unaweza kuongoza watu wenye unyofu kwenye barabara iongozayo kwenye uzima wa milele. Hata hivyo, ili kuona matokeo hayo, tunapaswa kutumia Biblia wakati tunapotolea wengine ushahidi.

² Soma Andiko Moja Kila Wakati Nafasi Inapopatikana: Inaonekana kwamba wahubiri wengi wameacha zoea la kutumia Biblia kwenye mlango. Je, hilo ni kweli kukuhusu wewe? Kwa kuwa watu wengi hawaonekani kuwa na wakati kwa ajili ya mazungumzo marefu, labda umeanguka katika kawaida ya kutolea tu watu vichapo au kusema tu andiko katika maneno mengine. Tunatia wahubiri wote moyo wafanye jitihada yenye bidii ili kusoma hata andiko moja kutoka katika Biblia wakati wanapotoa habari njema; hivyo, wataruhusu mtu aone kwamba ujumbe wetu kwa kweli unapatikana katika Neno la Mungu.

³ Ingawa watu wachache ndio hufanya usomaji wa Biblia kuwa zoea, kwa ujumla hiyo ingali yenye kuheshimiwa. Hata watu walio na shughuli wataweka kando dakika moja au mbili kwa kawaida ili kusikiliza ujumbe unaosomwa moja kwa moja kutoka katika Neno la Mungu. Wakati andiko lenye kufaa linaposomwa kwa shauku na kuelezwa kwa kifupi, nguvu ya neno la Yehova inaweza kuwa na matokeo mazuri juu ya msikilizaji. Lakini unawezaje kuunganisha maneno yako ya kwanza na usomaji wa andiko kutoka katika Biblia?

⁴ Jaribu Hili Katika Kazi ya Kutoa Magazeti: Mwangalizi mmoja msafiri hufanya matumizi mazuri ya Maandiko wakati anaposhiriki katika kazi ya kutoa magazeti. Yeye huchukua Biblia ndogo katika mfuko wake. Baada ya kutoa magazeti na kukazia kwa kifupi makala moja, yeye hufungua Biblia bila kusita, naye husoma andiko moja linalopatana na makala hiyo. Hilo linaweza kufanywa kwa kuuliza tu, “Unafikiri nini kuhusu ahadi hii yenye kutia moyo?” na kisha kuanza kusoma andiko lililochaguliwa.

⁵ Jiwekee mradi wa kushiriki andiko moja au mawili kutoka katika Biblia pamoja na kila msikilizaji. Nguvu yenye kuchochea ya Biblia inaweza kufungua njia kwa watu zaidi ili wavutwe kwa Mungu.—Yn. 6:44.