Tuseme Nini Kuhusu Magazeti

Mnara wa Mlinzi Sept. 15

“Kuna watu wenye kupenda kweli karibu katika dini zote. Hata hivyo, dini kwa ujumla zina mwelekeo wa kugawanya wanadamu. Ni nini kinachohitajiwa ili kuunganisha watu wenye mioyo minyofu? [Baada ya kusikia jibu, soma Sefania 3:9.] Gazeti hili linaonyesha jinsi ujuzi wa Mungu wa kweli unavyounganisha watu mahali pote.”

Amkeni! Sept. 22

“Wengi wetu hufikiri kwamba sikuzote kutakuwa chakula kingi. Lakini sasa kuna wasiwasi kwamba huenda sayansi ikawa yenye kutia chakula chetu hatarini. Gazeti hili linaeleza mahangaiko fulani kati ya hayo na pia tumaini linalopatikana katika Biblia kuhusu kumalizwa kabisa kwa tatizo hilo.”

Mnara wa Mlinzi Okt. 1

“Labda utakubali kwamba imani katika Mungu imekuwa habari isiyopendwa na watu wengi. Lakini kwa nini mambo yako hivyo? [Baada ya kusikia jibu, soma Waebrania 11:1.] Gazeti hili linazungumzia maana ya imani ya kweli na tofauti iliyopo kati ya mtu aliye na imani ya yule asiyekuwa nayo.”

Amkeni! Okt. 8

“Kama unavyojua, Krismasi ni sherehe yenye kupendwa sana, na watoto wengi huifurahia. Je, umekwisha kupata nafasi ya kujifunza kuhusu vyanzo vyayo? [Acha mtu ajibu.] Utaona usomaji wa gazeti hili kuwa wenye kuvutia sana, hasa ikiwa wewe ni mzazi mwenye kujali.”