Kisanduku cha Maulizo

◼ Tunawezaje kuhakikisha kwamba tunafuata vizuri wakati uliogawiwa kila sehemu ya mkutano wa kutaniko?

Wakati unaenda kwa uharaka tunaposhiriki jambo jema pamoja na marafiki. Kwa sababu hiyo, inaweza kuwa vigumu kushughulikia sehemu za mkutano katika wakati uliogawiwa. Ni nini kinachoweza kusaidia?

Anzeni pa wakati. Wakati ambapo kutaniko nzima linakusanyika, inaweza kuwa jambo lenye kusaidia kualika wasikilizaji wakae, dakika moja au mbili kabla ya kuanza programu, kusudi mkutano uanze wakati uliochaguliwa na katika njia yenye utaratibu. (Mhu. 3:1) Mikutano ambayo ni yenye kuhusisha vikundi vidogo, kama vile mikutano kwa ajili ya utumishi wa shambani, haipaswi kuanza nyuma ya wakati kwa kungojea wale wanaochelewa.

Tayarisha kikamili. Jambo la maana ili kufuata wakati vizuri ni kujitayarisha kimbele. Chunga akilini lengo la mgawo wako. Tambua mambo makuu, na uyakazie. Usivutwe na mambo madogo-madogo. Fanya utoaji uwe mwepesi. Ikiwa sehemu hiyo inatia ndani maonyesho au mahojiano, fanyeni mazoezi kimbele. Kwa kadiri iwezekanavyo, chunguza wakati uliogawiwa sehemu yako unapojizoeza kwa sauti kubwa.

Wekea kila sehemu wakati. Ikiwa mgawo wako ni hotuba au ni mazungumzo pamoja na wasikilizaji, unaweza kuona kuwa jambo lenye kusaidia kugawanya habari yako katika sehemu mbalimbali. Amua kiasi cha wakati utakaotumia kwa kila sehemu, na uandike wakati huo kandokando ya maandishi yako. Kisha wakati unapotoa hotuba, chunguza mara kwa mara ili kuona ikiwa unaheshimu wakati uliopanga kwa kila sehemu. Katika mazungumzo pamoja na wasikilizaji, epuka mtego wa kutoa maelezo mengi katika sehemu ya utangulizi, kwa kufanya hivyo utalazimika kwenda haraka-haraka katika habari ya maana sana inayofuata baadaye. Viongozi wa Funzo la Mnara wa Mlinzi wanapaswa kuacha wakati wa kutosha ili kuzungumzia kisanduku cha kujikumbusha mwishoni. Wanapaswa pia kuwa waangalifu ili wasitumie wakati uliogawiwa wimbo na sala ya kumalizia.

Maliza pa wakati. Ikiwa mkutano una sehemu nyingi, kama vile Mkutano wa Utumishi, kila msemaji anapaswa kufikiria sana ni wakati gani sehemu yake inapaswa kuanza na kumalizika. Ni nini kinachoweza kufanywa ikiwa kuna hatari kwamba mkutano upitishe wakati uliogawiwa? Ndugu mmoja au zaidi wanaofuata wanaweza kukomboa wakati wakikazia mambo makuu, na kufupisha sehemu zao. Uwezo wa kufanya hivi ni alama moja yenye kuonyesha kwamba msemaji ni mwalimu mwenye ustadi zaidi.

Tukiwa wasikilizaji, tunaweza kusaidia ndugu anayeongoza kwa kufanya maelezo yetu yawe mafupi na kutaja jambo moja kwa moja. Kwa hiyo, sisi sote tunaweza kuchangia ili kuwa na mikutano ambayo inafanywa “kwa adabu na kwa mpango.”—1 Kor. 14:40.