Muziki Wenye Kuburudisha
1 Kuimba, pia muziki ni sehemu ya maana ya ibada ya kweli. Katika Israeli ya kale, Asafu na ndugu zake waliimba hivi: “Mshukuruni Yehova. . . . Mwimbieni, mpigieni muziki, Jishughulisheni na matendo yake yote ya ajabu.” (1 Nya. 16:8, 9) Leo tunamwimbia Yehova kwenye mikutano yetu ya kutaniko ya kila juma. (Efe. 5:19) Ni nafasi nzuri ajabu kama nini ya kusifu jina lake!—Zab. 69:30.
2 Kusikiliza Nyimbo za Ufalme na muziki wa nyimbo hizo unaopigwa kwa mpangilio na kundi la wanamuziki kunaweza kujaza akili zetu na mawazo ya kiroho. “Ninaposikiliza miziki ya nyimbo hizo, maneno hurudi akilini mwangu,” alieleza dada mmoja. “Ni njia bora kama nini ya kumlinda Yehova akilini ninaposikiliza muziki!”—Flp. 4:8.
3 Pindi za Kufurahia Miziki: Kusikiliza muziki wa Nyimbo za Ufalme nyumbani kunatokeza hali changamfu ya kiroho inayosaidia kuendeleza amani katika familia. “Tunasikiliza muziki tena na tena nyumbani na katika gari na hauchoshi kwa sababu ulipangwa kwa njia yenye kusisimua,” familia moja iliandika. “Mara nyingi muziki wa Nyimbo za Ufalme umetokeza hali nzuri ya akili mtu anapokuwa tayari kwa ajili ya mikutano ya Kikristo au kusafiri kwenye mkusanyiko.” Dada mmoja alisema: “Ni wenye kuburidisha kweli kusikiliza ninapofanya kazi ya nyumbani—hakuna yeyote anayeweza kuwazia furaha ninayokuwa nayo mimi ninapokunja vizuri mavazi yaliyofuliwa. Ninapanga kusikiliza muziki huu wakati ninakuwa mwenye kuvunjika moyo. Muziki huo ni wenye kusisimua kama nini! . . . Kila wimbo unatokeza furaha.” Je, kuna pindi ambazo katika hizo muziki kama huo wenye kuburudisha unaweza kukuletea faida?
4 Miziki mingi leo inaonyesha roho ya ulimwengu. Wazazi wanaweza kusaidia watoto wao wakuze hamu ya muziki unaofaa kwa kufanya matumizi mazuri ya muziki wa Nyimbo za Ufalme. Wanafunzi wengi wa Biblia na watu wanaopendezwa wanaweza pia kufurahi kujua kuhusu nyimbo hizi nzuri za kiroho, zinazomletea Yehova sifa na kuchangamsha roho.—Zab. 47:1, 2, 6, 7.