Je, Unatumia Vikaratasi vya Mwaliko?

Siku moja kijana mmoja mwenye umri wa miaka 11 aliokota kikaratasi cha mwaliko chenye kutangaza hotuba ya watu wote yenye kuzungumzia moto wa mateso. “Hilo lilinipendeza sana,” alieleza baadaye, “Kwa kuwa yaelekea kwamba nilikuwa nikifanya mambo mabaya kwa kawaida, kwa hiyo nilikuwa nikiogopa sana kuhusu kwenda katika moto wa mateso wakati wa kufa.” Alihudhuria hotuba hiyo, na baada ya mwaka mmoja hivi, kisha vipindi mbalimbali vya funzo la Biblia, alibatizwa. Ndivyo yalivyoanza maisha marefu ya huduma ya Kikristo ya Karl Klein, ambaye baadaye alitumikia kwa miaka mingi akiwa mshiriki wa Baraza Linaloongoza la Mashahidi wa Yehova. Yote hayo yalianza kupitia kikaratasi cha mwaliko.

Vikaratasi vya mwaliko vinaendelea kuwa vyombo vyenye matokeo katika kutoa ushahidi leo. Wahubiri wengi wanaona kwamba kutolea mtu kikaratasi kimoja ni njia nzuri ya kujijulisha na kuanzisha mazungumzo. Wazazi wanaweza kushirikisha watoto wao katika huduma kwa kuwafanya watolee watu vikaratasi hivyo mlangoni. Wahubiri wanaoshiriki katika kutoa ushahidi kwa njia ya barua wanaweza kujulisha kuhusu mikutano kwa kutia ndani ya barua kikaratasi cha mwaliko. Na, bila shaka, vikaratasi hivyo ni njia inayofaa ya kualika kwenye mikutano wanafunzi wa Biblia na watu wengine wenye kupendezwa.

Je, wewe ni mwenye kufanya matumizi mazuri ya vikaratasi vya mwaliko katika huduma yako?