Tumia Vizuri Video Zetu Ili Kufundisha
1 Nyakati fulani Yehova alitumia maono na ndoto ili kuwajulisha watumishi wake wa kale habari ya maana. Fikiria ono la Ezekieli kuhusu gari tukufu la kimbingu la Yehova. (Ezek. 1:1-28) Wazia namna Danieli alivyojisikia baada ya kupokea ndoto ya kiunabii iliyofafanua mwendo wa serikali za ulimwengu. (Dan. 7:1-15, 28) Na tuseme nini kuhusu ufunuo wenye kusisimua uliotolewa kwa mtume Yohana “katika njia ya ishara” kuhusu mambo ambayo yangetukia katika “siku ya Bwana”? (Ufu. 1:1, 10) Yehova aliwafundisha kwa kutumia picha zilizo wazi na tendo lenye nguvu, na hilo likafanya waendelee kukumbuka mambo hayo.
2 Ikiwa tunataka kujulisha wengine kweli za Biblia katika njia ambayo itawafanya wasizisahau kwa urahisi, tunaweza hivyohivyo kutumia video zetu ili kufundisha. Video zetu zina vichwa mbalimbali vya habari, na zinamfanya mtu atumaini Biblia, tengenezo la Yehova, na kanuni zinazoongoza maisha yetu ya Kikristo. Fikiria njia chache ambazo katika hizo tunaweza kutumia video zetu ili kufundisha. Ona mifano ifuatayo kati ya video tunayoweza kutumia.
3 Katika Huduma: Je, umepata kumwelezea mwanafunzi wa Biblia kuhusu undugu wetu wa Kikristo wa ulimwenguni pote? Mwonyeshe jambo hilo kupitia video Toute la communauté des frères. Umuazime video hiyo ili aitazame kabla ya funzo lijalo au mnaweza kuitazama pamoja wakati wa funzo lijalo. Kisha zungumzia maulizo ya kujikumbusha yanayopatikana katika Huduma Yetu ya Ufalme ya Juni 2002.
4 Vijana, mnaweza kuzungumza na walimu wenu kuhusu uwezekano wa kuonyesha video shuleni: La fermeté des Témoins de Jéhovah face à la persécution nazie au Fidèles dans les épreuves : Les Témoins de Jéhovah en Union Soviétique. Omba kutayarisha karatasi yenye maulizo kutoka katika Huduma Yetu ya Ufalme ya Juni 2001 na kuyaambatanisha na mazungumzo yatakayotolewa shuleni.
5 Pamoja na Familia na Marafiki: Wazazi, ni tangu wakati gani mlipotazama kwa mara ya mwisho pamoja na watoto wenu video: Les jeunes s’interrogent... Comment se faire des vrais amis ? Kwa nini msipange kuitazama tena kwenye funzo lenu la familia lifuatalo? Huduma Yetu ya Ufalme ya Oktoba 2002 inaorodhesha maulizo mtakayotumia ili mazungumzo yawe wazi na yenye kuchangamsha.
6 Je, kuna marafiki katika kutaniko ambao ungetaka kualika nyumbani? Kutazama pamoja nao video Respectons l’autorité de Jéhovah kunaweza kufanya jioni iwe yenye kuburudisha na hasa ikiwa baada ya kuitazama mnarudilia mambo mliyojifunza kutokana nayo, mkitumia maulizo yaliyo katika Huduma Yetu ya Ufalme ya Septemba 2004.
7 Nafasi Zingine: Ni katika njia gani nyingine unaweza kufanya matumizi mazuri ya video zetu mbalimbali? Huenda kuonyesha moja au mbili kwa mtu unayerudilia kikawaida kukamsaidia kufanya maendeleo ya kiroho. Je, unaweza kupendekeza kuzionyesha katika makao ya kuwatunza watu wazeewazee au kwenye majengo yanayotolea watu wazeewazee utendaji mbalimbali? Huenda video ziwasaidie washiriki wa jamaa yako wasio mashahidi, majirani wako, na wafanya kazi wenzako wawe na maoni yanayofaa, sivyo? Video zetu ni zenye kusisimua, na zenye kufundisha kwa matokeo kupitia picha. Zitumie ili kufundisha.
[Maulizo ya Funzo]
1. Yehova alitumiaje picha ili kufundisha watumishi wake wa kale, na hilo likawa na matokeo gani?
2. Ni vifaa gani tunavyoweza kutumia ili kufundisha wengine kweli za Biblia?
3. Ni video gani unayoweza kutumia ili kuelekeza mwanafunzi wa Biblia kwenye tengenezo?
4. Ni vifaa gani vya kufundisha ambavyo kijana Shahidi anaweza kutumia shuleni?
5. Ni video gani zinazopatikana kwa ajili ya wazazi ambazo wanaweza kutumia katika mafunzo ya familia?
6. Unawezaje kupanga ili kuwa na wakati wenye kuburudisha pamoja na marafiki?
7. Ni nafasi gani zinazowezekana unazoweza kufikiria ili kutumia video zetu?